Galicia mantense como a comunidade autónoma co mellor tempo de pago a provedores, segundo o Ministerio de Facenda

Pola contra, este indicador ascendeu a 34,9 días na media autonómica, o que confirma que Galicia pagou de media as súas facturas en menos da metade de tempo que o conxunto das comunidades.

En canto á evolución da débeda comercial, os datos do informe elaborado polo Ministerio de Facenda tamén sitúan a Galicia como unha das comunidades autónoma con menor débeda comercial de España ao peche do mes de maio.

Segundo o informe do ministerio, a ratio de débeda/PIB de Galicia situouse no mes de maio no 0,14%, menos da metade que a media autonómica, que foi do 0,39%. Ao peche do mes de maio, a débeda comercial do conxunto das comunidades autónomas era de 4.365 millóns de euros, dos que só 82 millóns –o 1,9% do total– corresponden a Galicia.