Skip to main content

Camiñando por Paradela: Camiño Vello de Aldosende

Dentro da programación do bicentenario de Paradela, o domingo, 6 de novembro, vaise celebrar o encontro coa natureza CAMIÑANDO POR PARADELA, que o Concello organiza coa colaboración do grupo ACIVRO.

Acivro é un Club excursionista presidido por Alejandro González Arias, creado en Lugo no 2006, formado por membros que gustan da natureza e camiñando por ela fomentan o respecto pola biodiversidade e disfrutan de ambientes e itinerarios incribles. Un destes itinerarios é o CAMIÑO VELLO DE ALDOSENDE, no Concello de Paradela, promovido polo Concello e do que Acivro é o maior defensor.

Este domingo percorrerase o Camiño Vello de Aldosende, desde o Mirador de Cabodevila, preto do Río Loio, ata a parroquia de Aldosende. É un Camiño xa coñecido polos vinculados ao sendeirismo e turismo de montaña, que especialemente nas fins de semana recibe a numerosos camiñantes de todo Galicia. Para o percorrido calcúlase un tempo aproximado de 3 h.30 min.

A ruta iniciarase ás 10,00 h. desde o Mirador de Cabodevila, para rematar a camiñada arredor das 13,30 h. Á chegada a Aldosende, o Concello de Paradela ofrecerá un refrixerio aos participantes, e trasladará aos camiñantes en autobús ata o punto de partida. Está prevista a participación de 72 persoas.
Concello de Paradela