O BNG pide explicacións á Xunta polo gasto dun videoclip con Enrique Iglesias

A Xunta de Galiza ven de publicar o contrato polo que se pagarán 302.500 euros á unha produtora para gravar un vídeo do cantante Enrique Iglesias. En teoría trátase dunha actuación para a promoción do turismo de Galiza, mais na práctica constitúe un despilfarro en toda regra e unha burla á cultura galega.

Para o Grupo Parlamentar do BNG esta actuación é un despilfarro e unha mostra de desprezo da Xunta cara a cultura propia. Polo dito formulamos a seguinte proposición non de lei para seu debate en Pleno/Comisión:

O Parlamento insta á Xunta de Galiza a cancelar o contrato en virtude do cal se lle conceden 302.500 euros á gravación dun videoclip de Enrique Iglesias e que destine esta cantidade a apoiar as creacións culturais galegas.

Fotografía: http://www.enriqueiglesias.com/photo/thank-you-newark-dc-see-you-tonight?context=featured