Skip to main content

Notas

  • Investigadores do CIM, Atlanttic e Cintecx participarán no festival de divulgación científica Pint of Science
    Un ano máis o persoal investigador da Universidade de Vigo volve unirse á celebración do Pint of Science, o festival de divulgación científica que aposta por levar a ciencia e o coñecemento aos bares para achegalo á cidadanía. Ao longo de tres días, entre o 22 e o 24 deste mes, seis científicos e científicas da UVigo ofrecerán relatorios e obradoiros no bar Cañaveral arredor de temáticas diversas.
  • A USC eloxia o compromiso ético coa terra de Francisco Fernández del Riego
    “Testemuño de integridade cívica, de compromiso con Galicia e de resistencia activa, indomable, contra o totalitarismo”. Con estas verbas definiu o catedrático da USC Henrique Monteagudo a figura do que foi estudante e profesor da institución compostelá, Francisco Fernández del Riego, a quen este ano se lle dedica o Día das Letras Galegas.
  • O Festival Seráns en Feixoo está a piques de comezar
    A Praza de Feixoo, en Santiago de Compostela, está lista para acoller a quinta edición do Festival Seráns, que terá lugar do 17 de maio ao 30 de xuño deste ano. O obxectivo deste festival é promover a cultura local e ofrecer unha experiencia musical única para todos os participantes, ademais de proporcionar entretemento á comunidade. Os locais Riquela Pub, Modus Vivendi e Borriquita de Belém, organizan este evento co seu amor pola cidade e compromiso coa música e a cultura.
  • Ponte... nas ondas! lembra a Francisco Fernández del Riego
    No ano 2002, con motivo da celebración da 8ª edición de Ponte...nas ondas! Francisco Fernández del Riego foi convidado a participar na xornada de comunicación interescolar. Don Paco coñeceu de primeira man o que se estaba a facer desde Ponte...nas ondas! , coa súa sabedoría diagnosticou este labor como “sen precedentes” e albiscou un futuro prometedor para a experiencia.
  • A UDC rescata a historia de Irene González Basanta, primeira rapaza en romper barreiras no fútbol
    A Universidade da Coruña, en colaboración con outras entidades, vén de publicar o cómic Irene a porteira, realizado por Xulia Pisón, autora de cómics e debuxante, e Óscar Losada, xornalista especializado en temas de cultura e deporte. O cómic rescata a historia de Irene González Basanta, unha coruñesa que xogou ao fútbol nos anos vinte do pasado século.
  • O programa Inspira STEAM cumpre un lustro fomentado vocacións e derrubando estereotipos de xénero
    O programa Inspira STEAM para o fomento das vocacións científicas e tecnolóxicas impulsado pola Universidade de Vigo e a Deputación de Pontevedra segue sumando éxitos. Este venres clausurouse a súa quinta edición, a máis numerosa ata o momento, que chegou durante o curso 2022/2023 a 632 estudantes de primaria e ESO de 14 centros da provincia de Pontevedra e contou coa participación de 46 mentoras e mentores.
  • Os Bolechas presentan un libro homenaxe a Francisco Fernández del Riego, creador do Día das Letras Galegas
    A Caixa Rural de Lugo acolleu a presentación dun novo título da colección As miñas primeiras Letras Galegas dos Bolechas, dedicado este ano a Francisco Fernández del Riego, o autor homenaxeado polo 17 de maio. Arredor de 25 alumnas e alumnos do CEIP Sagrado Corazón de Lugo participaron na presentación, ademais dos propios Bolechas, que recibiron e acompañaron aos escolares na cidade lucense.
  • Preto dun milleiro de participantes danse cita na Feira Virtual de Emprego da USC
    A Feira Virtual de Emprego da USC botou a andar este mércores 10 de maio para fomentar a empregabilidade do estudantado e das persoas egresadas da institución compostelá. A través deste foro virtual que se estende ata o xoves 11 con preto dun milleiro de inscricións, as persoas usuarias poden acceder a empresas con ofertas de traballo, charlas de interese en materia de empregabilidade e chats para aclarar dúbidas.
  • A UVigo súmase á conmemoración do centenario do Seminario de Estudos Galegos
    Este ano celébrase o centenario da creación en 1923 do Seminario de Estudos Galegos (SEG), unha institución cultural creada por intelectuais galeguistas para estudar e divulgar o patrimonio cultural e lingüístico de Galicia. A Universidade de Vigo súmase a esta conmemoración coa celebración os días 19 e 26 de maio dunhas xornadas, chamadas Xeiras con Historia, en Allariz e Ribadavia.
  • Os últimos avances sobre protonterapia protagonizan un obradoiro científico organizado polo IGFAE
    A protonterapia é unha tecnoloxía que nos últimos anos está a experimentar un importante desenvolvemento e ofrece grandes esperanzas no tratamento do cancro. Esta terapia radiolóxica emprega protóns en vez de fotóns, o que diminúe o dano que a radiación pode causar nos tecidos sans que circundan os tumores.