Notas

A Consellería de Emigración porá en funcionamento na Arxentina a primeira das Oficinas de Atención ó Retorno

Froito dun convenio de colaboración entre Emigración, a Fundación Galicia Emigración e entidades galegas abrirase esta Oficina de cara á prestación de servizos de apoio, información, orientación, e asesoramento in situ en materia de retorno e, en particular, no tocante ó mercado de traballo.
España sumarase á iniciativa Google Grants que ofrece publicidade gratuíta ás ONG neste buscador

Pilar Rojo clausurou a Conferencia Internacional de Novas Tecnoloxías e Voluntariado, que contou na última xornada co director de Google España.
Santiso Miramontes inaugura as obras que abastecerán de auga potable aos núcleos de Boedo e Bregua

O conselleiro de Política Agroalimentaria e Desenvolvemento Rural, José Antonio Santiso Miramontes, inaugurou as obras de abastecemento de auga potable aos núcleos de Boedo e Bregua, situados no Concello de Culleredo.
O CDG coproduce con Aragón e Madrid a obra Misiles Melódicos, de Sanchis Siniterra

As actrices galegas Marta Pazos e María Salgueiro participan no espectáculo que se estrea o 15 de abril no Teatro Principal de Zaragoza. A montaxe, que se verá en Galicia no mes de novembro, enmárcase nun plan de difusión exterior da compañía pública galega.
As xornadas sobre conflictividade na escola reúnen a 350 docentes en Santiago

A paz, a cooperación na aula, e a construción dunha cultura democrática nos centros centran os contidos desta iniciativa.
A campaña da vieira da Ría de Arousa tivo máis de 200.000 quilos de capturas e unha facturación superior ó millón de euros

Só 49 quilos de vieira ilegal foron incautados debido ao estricto control do Servizo de Gardacostas e a unha maior concienciación dos profesionais do mar.
Máis de 4.400 galegos optaron pola vía da arbitraxe para resolve-los seus problemas de consumo

Galicia é a segunda comunidade española en número de laudos arbitrais dictados. As telecomunicacións concentran a meirande parte das reclamacións.
O Consello Galego de Pesca solicita que o novo Comité Europeo de Augas Occidentais do Sur teña sede en Galicia

Os representantes do sector galego constituíron unha comisión quebuscará solucións para compensar á subida do gasóleo.
Manuel Fraga destaca a eficacia do audiovisual para o achegamento e o coñecemento dos pobos

O presidente da Xunta recibiu en San Caetano a representantes de cadenas de televisión de once países americanos. Amosouse confiado nos “resultados positivos” do Primeiro Encontro Audiovisual Galaico-Latinoamericano. Apostou pola circulación bidireccional dos productos desta industria entre América e Galicia.
O Sergas conta xa coas suxerencias dos representantes da Mesa Sectorial sobre o decreto que regulará as oposicións e procesos de provisión

Unha vez aprobado este Decreto sobre provisión de prazas de persoal estatutario do Sergas en Consello da Xunta, convocaranse novas Oposicións. Cuestións relativas a un maior desenvolvemento dos baremos e da promoción interna son algunhas das alegacións que se plantexaron nesta segunda reunión, e ás que o Sergas xa deu resposta. Oposicións, promoción interna,traslados,mobilidade, regulación para o acceso ás xefaturas no SERGAS -tanto en profesionais sanitarios como non sanitarios-, ou a consolidación de grao son aspectos que regula esta normativa.

Notas

Institucións Políticas

Outras Institucións