Galicia ten 2.503 desempregados menos que hai un ano, e a taxa de paro baixou en 0'46 puntos
O número de desempregados reduciuse en Galicia nos últimos doce meses un 1,59%, ao rexistrarse o pasado mes 2.503 parados menos que hai un ano. Invírtese así a tendencia dos últimos exercicios, nos que se producira un incremento interanual do paro en marzo (4.225 parados máis entre marzo de 2003 e marzo de 2004; incremento de 7.447 nese mes entre 2002 e 2003; e entre os meses de marzo de 2001 e 2002 a suba interanual foi de 5.894). Así mesmo, a taxa de paro baixou 0,46 puntos no último ano, situándose no 11,84% -a mellor taxa rexistrada nun mes de marzo nos últimos dez anos-.
Segundo revela o Informe do Paro Rexistrado feito público polo Servizo Galego de Colocación, dependente da Consellería de Asuntos Sociais, Emprego e Relacións Laborais, entre marzo de 1995 e o mesmo mes de 2005 o desemprego descendeu en Galicia en 40.567 persoas (-20,8%) e a taxa de paro reduciuse en 5,56 puntos porcentuais ao pasar do 17,40% ao 11,84%.
Ao remate de marzo as oficinas de emprego tiñan rexistradas como demandantes de traballo a 154.429 persoas, cifra que representa o 11,84% da poboación activa da Comunidade Autónoma.
EVOLUCIÓN MENSUAL
En marzo pasado, o desemprego baixou en Galicia en 902 persoas con respecto ao mes anterior, é dicir, un 0,58% e a taxa de paro reduciuse en 0,07 puntos porcentuais. Descendeu o paro tanto nos menores de 25 anos como no colectivo de persoas maiores desta idade.
Por sectores, o mellor comportamento correspondeu aos Servicios, con 1.321 parados menos que en febreiro, seguido da Construcción, cunha baixa de 393 parados; e o sector de Agricultura e Pesca, no que descendeu en 81 persoas. O desemprego aumentou no sector da Industria (579 parados máis que no mes anterior) e no colectivo Sen Emprego Anterior (314 máis).
O paro rexistrado diminuíu en marzo en tódalas provincias agás Ourense. En termos absolutos, Pontevedra experimentou o maior descenso, con 698 desempregados menos que en febreiro, seguida dunha baixa dos parados de 254 persoas na Coruña, e un descenso de 223 en Lugo, a provincia galega que rexistrou a menor taxa de paro (10,01%). En Ourense o paro aumentou en 273 persoas.
Segundo revela o Informe do Paro Rexistrado feito público polo Servizo Galego de Colocación, dependente da Consellería de Asuntos Sociais, Emprego e Relacións Laborais, entre marzo de 1995 e o mesmo mes de 2005 o desemprego descendeu en Galicia en 40.567 persoas (-20,8%) e a taxa de paro reduciuse en 5,56 puntos porcentuais ao pasar do 17,40% ao 11,84%.
Ao remate de marzo as oficinas de emprego tiñan rexistradas como demandantes de traballo a 154.429 persoas, cifra que representa o 11,84% da poboación activa da Comunidade Autónoma.
EVOLUCIÓN MENSUAL
En marzo pasado, o desemprego baixou en Galicia en 902 persoas con respecto ao mes anterior, é dicir, un 0,58% e a taxa de paro reduciuse en 0,07 puntos porcentuais. Descendeu o paro tanto nos menores de 25 anos como no colectivo de persoas maiores desta idade.
Por sectores, o mellor comportamento correspondeu aos Servicios, con 1.321 parados menos que en febreiro, seguido da Construcción, cunha baixa de 393 parados; e o sector de Agricultura e Pesca, no que descendeu en 81 persoas. O desemprego aumentou no sector da Industria (579 parados máis que no mes anterior) e no colectivo Sen Emprego Anterior (314 máis).
O paro rexistrado diminuíu en marzo en tódalas provincias agás Ourense. En termos absolutos, Pontevedra experimentou o maior descenso, con 698 desempregados menos que en febreiro, seguida dunha baixa dos parados de 254 persoas na Coruña, e un descenso de 223 en Lugo, a provincia galega que rexistrou a menor taxa de paro (10,01%). En Ourense o paro aumentou en 273 persoas.
Gabinete de Comunicación da Consellería de Asuntos Sociais, Emprego e Relacións Laborais da Xunta de Galicia