As universidades galegas organizan un acto de recoñecemento ao alumnado coas mellores notas obtidas nas probas de acceso á universidade, ABAU

Será no Multiusos Fontes do Sar, de Santiago, onde se celebrará o acto de recoñecemento ao estudantado cos mellores expedientes das probas de acceso á universidade, ABAU, o día 22 de xuño.

A vicerreitora de Estudantes, Participación e Empregabilidade, María José Lombardía, asistirá aos actos de recoñecemento ao alumnado cos mellores expedientes.

Un total de 12.788 alumnos se presentarán este ano ás probas de acceso á universidade, dos que 3.475 realizaránnas nos centros da Universidade da Coruña: ETS de Enxeñaría de Camiños, Canais e Portos, Facultade de Informática, Facultade de Dereito, Facultade de Economía e Empresa, EU de Arquitectura Técnica, Facultade de Filoloxía, Escola Politécnica de Enxeñaría e Facultade de Humanidades e Documentación.