O prestixioso divulgador e profesor Carlos Santana falará sobre IA no congreso Mundos Digitales

Será o vindeiro venres 7 de xullo a partir das 19.30 h. Nela falará sobre como a intelixencia artificial xa se converteu nunha das tecnoloxías máis revolucionarias dos últimos anos pola súa capacidade de poder transformalo todo: a ciencia, a medicina, a economía, a sociedade… Analizará onde xorde esta revolución e cara a onde nos levará nos próximos anos.

Carlos Santana é divulgador, youtuber e profesor no campo da intelixencia artificial e o machine learning. É o creador da canle de YouTube Dot CSV, que conta con máis de 750.000 subscritores e está especializada no campo da IA, e dá clases de Machine Learning and Data Science na Escuela de Organización Industrial.

Durante esta xornada tamén se presentará o OBSERBAPTORIO IA realizado pola axencia creativa e dixital BAP&Conde en colaboración con Mundos Digitales.
A entrada é gratuíta, previa inscrición na web Ataquilla.com. Esta actividade tamén forma parte da iniciativa solidaria de Afundación «Cultura por alimentos» polo que, para acceder, é necesario entregar nos entrada alimentos non perecedoiros que serán doados ao Banco de Alimentos.