Pesca e confrarías consensúan unha veda para o polbo entre o 15 de xuño e o 15 de xullo para protexer o recurso

A directora xeral de Recursos Mariños, Carmen Bouso, reuníuse con membros da Federación Galega de Confrarías para abordar á explotación dos recursos en augas interiores. A Consellería de Pesca e Asuntos Marítimos e o sector acordaron o establecemento dunha veda para o polbo entre o 15 de xuño e o 15 de xullo. Trátase dunha medida de
protección desta especie, por ser este un periodo no que abundan os exemplares pequenos.

Na xuntanza tamén se decidiu manter ata o 1 de setembro o tope de 40 quilos de polbo por tripulante e día, eliminando o anterior de 160 quilos por embarcación e día. Búscase así evitar aportacións masivas de polbo ó mercado e a consecuente baixada dos prezos.

Estas medidas serán consensuadas, e no seu caso ratificadas, na Comisión de Artes Fixas e Menores do Consello Galego de Pesca. Na reunión coa Federación Galega de Confrarías, o sector comprometeuse, ademais, a desenvolver un Plan de explotación do polbo con medidas a medio e longo prazo. A administración autonómica comprometeuse a analizar detidamente esta proposta.

Tres días de adianto na campaña da nécora

Por outra banda, Pesca estudiará a solicitude do sector para adiantar
en tres días o levantamento da veda da nécora, comenzando a campaña o 18
de xullo. Esta proposta será aprobada, tras ser consensuada entre
administración e o sector próximamente no Consello Galego de Pesca,
proximamente. Ademais, a Federación Galega de Confrarías propuxo outra
serie de medidas relacionadas coa pesca en augas interiores, iniciativas
que tamén serán analizadas no Consello Galego de Pesca.