Emilio Pérez Touriño felicia aos Príncipes de Asturias polo nacemento da súa filla, a infanta Leonor

O presidente da Xunta de Galicia, Emilio Pérez Touriño, enviou senllos telegramas de felicitación ás Súas Maxestades os Reis de España e ás Súas Altezas Reais os Príncipes de Asturias polo nacemento, nesta madrugada, da Infanta Leonor.

Emilio Pérez Touriño trasladoulles aos Príncipes de Asturias a súa felicitación e a do pobo galego: “Ao meu desexo de felicidade e saúde a SS.AA.RR os Príncipes e a S.A.R. a Infanta Leonor, únese o dos galegos e galegas que saúdan este nacemento con satisfacción”.

Así mesmo, o titular do Goberno galego deulle a noraboa ás Súas Maxestades os Reis de España polo nacemento da súa sétima neta, a Infanta Leonor, “no nome de todos os cidadáns e cidadás de Galicia e no meu propio”.