Touriño anuncia a inminente creación de seis mesas sectoriais de traballo entre patronal e centrais sindicais
“Neste momento vén de producirse un acordo pechado coas centrais sindicais e coa patronal para por en marcha neste mes de febreiro as seis meses sectoriais nas que se divide e organiza o traballo do diálogo social”. Con estas palabras o presidente da Xunta anunciou a inminente creación de mesas de traballo entre os axentes económicos e sociais, promovidas polo Goberno autonómico, co obxectivo de traballar conxuntamente polo “diálogo social” e a “competitividade da nosa economía”.
Emilio Pérez Touriño realizou este anuncio nunha rolda de prensa en Monte Pío, logo de que o Consello da Xunta estudase un informe da Consellería de Traballo sobre a creación destas seis meses de traballo, resultado final dun proceso iniciado o pasado mes de novembro cando se formulou unha declaración institucional ao respecto.
Así, e a través deste acordo, dase un paso en firme ao proceso de diálogo social, unha das principais inquedanzas do presidente da Xunta desde a súa chegada ao Goberno, o pasado mes de agosto.
Grupo de traballo
Por outra banda, o titular do Goberno galego valorou outro dos informes analizados na reunión do Consello. Trátase do presentado por Medio Ambiente sobre o impacto dos xeradores de enerxía eólica nos espazos naturais galegos.
En relación a este asunto, o presidente da Xunta dixo que se porá en marcha un grupo de traballo mixto conformado por técnicos da Consellería de Medio Ambiente e Desenvolvemento Sustentable, por unha banda, e da Consellería de Innovación e Industria, pola outra, para tratar a compatibilización entre a produción de enerxía eólica e o respecto ao medio.
Segundo Touriño, a produción eólica é irrenunciable para o país dada a aposta da Comunidade Autónoma pola xeración e uso das enerxías renovables. Porén, debe compatibilizarse esta produción enerxética co respecto aos espazos naturais protexidos de Galicia.
Dada esta necesidade, o Goberno galego conformará este grupo de traballo anunciado por Touriño para conformar os criterios que permitan conxugar o plan eólico co respecto ambiental, especialmente coas áreas protexidas, que representan un 12 por cento do espazo físico galego.
Emilio Pérez Touriño realizou este anuncio nunha rolda de prensa en Monte Pío, logo de que o Consello da Xunta estudase un informe da Consellería de Traballo sobre a creación destas seis meses de traballo, resultado final dun proceso iniciado o pasado mes de novembro cando se formulou unha declaración institucional ao respecto.
Así, e a través deste acordo, dase un paso en firme ao proceso de diálogo social, unha das principais inquedanzas do presidente da Xunta desde a súa chegada ao Goberno, o pasado mes de agosto.
Grupo de traballo
Por outra banda, o titular do Goberno galego valorou outro dos informes analizados na reunión do Consello. Trátase do presentado por Medio Ambiente sobre o impacto dos xeradores de enerxía eólica nos espazos naturais galegos.
En relación a este asunto, o presidente da Xunta dixo que se porá en marcha un grupo de traballo mixto conformado por técnicos da Consellería de Medio Ambiente e Desenvolvemento Sustentable, por unha banda, e da Consellería de Innovación e Industria, pola outra, para tratar a compatibilización entre a produción de enerxía eólica e o respecto ao medio.
Segundo Touriño, a produción eólica é irrenunciable para o país dada a aposta da Comunidade Autónoma pola xeración e uso das enerxías renovables. Porén, debe compatibilizarse esta produción enerxética co respecto aos espazos naturais protexidos de Galicia.
Dada esta necesidade, o Goberno galego conformará este grupo de traballo anunciado por Touriño para conformar os criterios que permitan conxugar o plan eólico co respecto ambiental, especialmente coas áreas protexidas, que representan un 12 por cento do espazo físico galego.
Gabinete de Comunicación da Xunta de Galicia