Santiago Domínguez anuncia que a Semana do Atlántico será declarada evento estratéxico deportivo galego
O director xeral para o Deporte, Santiago Domínguez OIveira, anunciou que a Semana do Atlántico será declarada “evento estratéxico deportivo galego”, en recoñecemento á valía deste proxecto que “é moito máis que unha regata, é un punto importantísimo do plan estratéxico dos deportes náuticos”. Domínguez explicou que o seu departamento está a traballar neste momentos na definición deste proxecto sobre “eventos estratéxicos deportivos galegos”, pero “xa podo anunciar que a Semana do Atlántico será o primeiro evento que reciba o dito galardón”.
Esta declaración tivo lugar durante a presentación da Semana do Atlántico Caixanova, que se desenvolve entre o 25 de setembro e o 22 de outubro. Ao dito acto asistiron o director de marketing de Caixanova, Jorge Santos; o presidente do Náutico de Vigo, Franco Cobas, o presidente da Federación Galega de Vela, José Ángel Rodríguez, a concelleira de Deportes de Vigo, Lucía Molares e o director xeral para o Deporte.
O máximo responsábel do Deporte Galego agradeceu o traballo dos organizadores, de Caixanova, do Náutico: “Quero animarvos a seguir traballando nesa liña, agora non podemos parar”. Desta forma, anunciou o apoio do Goberno autónomo a esta Semana que é moito máis que un proxecto deportivo: “Como acaba de dicir Jorge Santos, esto é para as nenas e os nenos galegos e só por estas palabras xa o estades a facer moito mellor que a Volvo”.
Esta declaración tivo lugar durante a presentación da Semana do Atlántico Caixanova, que se desenvolve entre o 25 de setembro e o 22 de outubro. Ao dito acto asistiron o director de marketing de Caixanova, Jorge Santos; o presidente do Náutico de Vigo, Franco Cobas, o presidente da Federación Galega de Vela, José Ángel Rodríguez, a concelleira de Deportes de Vigo, Lucía Molares e o director xeral para o Deporte.
O máximo responsábel do Deporte Galego agradeceu o traballo dos organizadores, de Caixanova, do Náutico: “Quero animarvos a seguir traballando nesa liña, agora non podemos parar”. Desta forma, anunciou o apoio do Goberno autónomo a esta Semana que é moito máis que un proxecto deportivo: “Como acaba de dicir Jorge Santos, esto é para as nenas e os nenos galegos e só por estas palabras xa o estades a facer moito mellor que a Volvo”.
Gabinete de Comunicación da Consellería de Cultura e Deportes da Xunta de Galicia