O número de cotizantes á Seguridade Social incrementouse en 32.657 persoas en Galicia dende marzo de 2005
O número de afiliados á Seguridade Social en Galicia aumentou en 32.657 persoas dende marzo de 2005, o que representa unha suba interanual en termos porcentuais do 3,33%. Así, a cifra en termos absolutos de afiliados de todos os réximes ascende dos 979.876 de marzo do pasado ano a 1.012.533 rexistrados en marzo de 2006.
O aumento interanual de cotizantes reflíctese tanto no réxime xeral como no de autónomos. De tal xeito a cifra de cotizantes inscritos no réxime xeral da Seguridade Social increméntase en 30.642 persoas con respecto ao mes de marzo de 2005, o que representa un aumento do 4,41%. Pola súa banda, o réxime de autónomos rexistra unha suba do 2,36%, o que en termos absolutos supón un total de 4.259 afiliados máis que hai doce meses. O único réxime que sufre un descenso na taxa interanual é o agrario, no que o número de cotizantes reduciuse nun total de 3.514 persoas, é dicir nun 5,88%.
Na evolución interanual por provincias o número de afiliados sube neste período nas catro provincias galegas, sendo A Coruña, con 14.256 novas altas a que rexistra un maior incremento en termos absolutos, seguida de Pontevedra, con 12.309 cotizantes máis que en marzo de 2005, Lugo con 3.072 afiliados máis que hai un ano, e Ourense con 3.020. Porcentualmente estes incrementos oscilan entre o 3,54% de Pontevedra ou o 3,52% da Coruña, e o 2,92% de Ourense ou o 2,48% de Lugo.
Neste terceiro mes de 2006 o número de afiliados á Seguridade Social elevouse en 3.093 cotizantes con respecto ao mes de febreiro. Así, a 31 de marzo o número de persoas dadas de alta en todos os réximes da Seguridade Social situouse en 1.012.533, o que en termos relativos supón un aumento do 0,31%.
Este incremento é común a todos os réximes agás o agrario, no que o número de afiliados diminúe en 49 persoas, é dicir, nun 0,9% con respecto a febreiro. Pola contra, o réxime xeral e o de autónomos rexistran un incremento do 0,44% e 0,26% respectivamente, ou o que é o mesmo, 2.969 e 475 novos afiliados.
Aínda que o número de afiliados se incrementa nas catro provincias galegas, cómpre destacar o comportamento da Coruña que rexistran unha suba do 0,40%, é dicir, 1.673 cotizantes máis que en febreiro deste ano. Tras A Coruña situase Pontevedra, provincia onde se produce un ascenso no número de novas altas do 0,27%, o que en termos absolutos equivale a 960 novos afiliados. Ourense rexistra cun incremento do 0,22% (229) e en Lugo a cifra de cotizantes aumentou nun 0,18% (231).
O aumento interanual de cotizantes reflíctese tanto no réxime xeral como no de autónomos. De tal xeito a cifra de cotizantes inscritos no réxime xeral da Seguridade Social increméntase en 30.642 persoas con respecto ao mes de marzo de 2005, o que representa un aumento do 4,41%. Pola súa banda, o réxime de autónomos rexistra unha suba do 2,36%, o que en termos absolutos supón un total de 4.259 afiliados máis que hai doce meses. O único réxime que sufre un descenso na taxa interanual é o agrario, no que o número de cotizantes reduciuse nun total de 3.514 persoas, é dicir nun 5,88%.
Na evolución interanual por provincias o número de afiliados sube neste período nas catro provincias galegas, sendo A Coruña, con 14.256 novas altas a que rexistra un maior incremento en termos absolutos, seguida de Pontevedra, con 12.309 cotizantes máis que en marzo de 2005, Lugo con 3.072 afiliados máis que hai un ano, e Ourense con 3.020. Porcentualmente estes incrementos oscilan entre o 3,54% de Pontevedra ou o 3,52% da Coruña, e o 2,92% de Ourense ou o 2,48% de Lugo.
Neste terceiro mes de 2006 o número de afiliados á Seguridade Social elevouse en 3.093 cotizantes con respecto ao mes de febreiro. Así, a 31 de marzo o número de persoas dadas de alta en todos os réximes da Seguridade Social situouse en 1.012.533, o que en termos relativos supón un aumento do 0,31%.
Este incremento é común a todos os réximes agás o agrario, no que o número de afiliados diminúe en 49 persoas, é dicir, nun 0,9% con respecto a febreiro. Pola contra, o réxime xeral e o de autónomos rexistran un incremento do 0,44% e 0,26% respectivamente, ou o que é o mesmo, 2.969 e 475 novos afiliados.
Aínda que o número de afiliados se incrementa nas catro provincias galegas, cómpre destacar o comportamento da Coruña que rexistran unha suba do 0,40%, é dicir, 1.673 cotizantes máis que en febreiro deste ano. Tras A Coruña situase Pontevedra, provincia onde se produce un ascenso no número de novas altas do 0,27%, o que en termos absolutos equivale a 960 novos afiliados. Ourense rexistra cun incremento do 0,22% (229) e en Lugo a cifra de cotizantes aumentou nun 0,18% (231).
Gabinete de Comunicación da Consellería de Traballo da Xunta de Galicia