Emilio Pérez Touriño recibe ao consello de administración de Fadesa, que celebra en Galicia a súa xunta xeral de accionistas

O presidente da Xunta, Emilio Pérez Touriño, recibiu na residencia oficial de Monte Pío ao Consello de Administración da empresa Fadesa. A delegación, encabezada polo presidente da inmobiliaria galega, Manuel Jove Capellán, mantivo un encontro co máximo mandatario galego, con anterioridade á xuntanza xeral de accionistas da compañía.

Esta foi a primeira vez que Emilio Pérez Touriño, como titular da Xunta, tivo ocasión de reunirse coa xunta directiva desta empresa, que ten iniciado nos últimos tempos un proceso de expansión internacional.

Ademais de Manuel Jove acudiron á xuntanza co presidente da Xunta os dous vicepresidentes da compañía, Felipa Jove e Manuel Ángel Jove; o conselleiro delegado, Antonio de la Morena; e os conselleiros da empresa Modesto Rodríguez, José María Castellano, José Enrique Fernández, Manuel Guerrero, José Luís Macía, José Luis Suárez e Joaquín Sánchez. O secretario do Consello de Fadesa, Javier Acebo, o director da Zona Noroeste da compañía, José Suárez, e a directora de comunicación e marketing, Belén Rey, tamén formaron parte da delegación que se reuniu co presidente da Xunta.