O Igape aproba as axudas para a creación de T-Solar Global
Os consellos do Instituto Galego de Promoción Económica (Igape) e de Xesgalicia aprobaron os apoios ao proxecto de implantación dunha nova empresa do sector das enerxías renovables que traerá a Galicia unha novidosa tecnoloxía de fabricación de paneis solares que se instala por primeira vez en Europa.
A iniciativa, que contará co apoio do instrumentos públicos de dinamización dependentes da Consellería de Economía e Facenda, ubicarase en Ourense e suporá un investimento de 75 millóns de euros e a creación de 200 empregos. Participada maioritariamente polo grupo Isolux, T-Solar Global contará no seu capital coa participación de Xesgalicia. O proxecto foi presentado hoxe polo conselleiro de Economía e Facenda, José Ramón Fernández Antonio, quen explicou que a nova empresa producirá paneis solares cunha avanzada tecnoloxía baseada no silicio amorfo.
A novidosa iniciativa contará co apoio da Consellería de Economía a través do Igape que achegará 5,84 millóns de euros, cifra que podería incrementarse ata os 13 millóns coa achega de Incentivos Rexionais. Ademais, no capital social, que ascenderá a 17 millóns de euros, terá participación Xesgalicia a través do fondo Emprende con 5 millóns de euros. O financiamento do proxecto complétase coa participación das dúas caixas de aforro galegas, que achegarán préstamos por importe de 20 millóns de euros. Neste último bloque de financiación tamén participa a consellería mediante a concesión dun aval do Igape por 10 millóns de euros.
O conselleiro subliñou a importancia do novo proxecto que, afirmou, vén continuar outras implantacións rexistradas o pasado ano, no que o Igape e Xesgalicia impulsaron investimentos por 1.436 millóns de euros. Entre os principais proxectos, figuran varios do sector enerxético e medioambiental como o de Infinita Renovables, en Salvaterra do Miño (Pontevedra), e Entabán Biocombustibles, en Ferrol. Destacan tamén neste ámbito Biomasa Forestal (Santa Comba-A Coruña), Industrias Olimeca (Outeiro de Rei-Lugo), e Tecnoambiente Galicia (Cerceda-A Coruña).
Igualmente, o conselleiro destacou proxectos no sector de automoción como os de Benteler e Copo; no sector da madeira, como Loira Inter; ou no téxtil, con Sociedad Textil Lonia. Os apoios de Igape e Xesgalicia tamén fixeron posible proxectos no sector da transformación de produtos do mar (Vieirasa); no transporte marítimo (Navigasa), ou na enxeñería (Russula). Estas compañías contan con importantes iniciativas e proxectos de internacionalización, o que constitúe unha liña prioritaria do crecemento económicos dentro da nova política económica do Goberno galego.
Concentrar esforzos
O dinamismo na creación e impulso de proxectos empresarias durante o pasado ano viuse acompañado pola nova estratexia dos instrumentos públicos de dinamización económica. Concentrar esforzos en apoios selectivos; incrementar a dotación e potencial dos fondos de capital risco; e impulsar os servizos ás empresas nas áreas de internacionalización, captación de investimentos e asesoramento especializado, foron as liñas fundamentais da nova estratexia desenvolvida por Igape e Xesgalicia no seu obxectivo de dinamizar o tecido produtivo galego impulsando o crecemento e a creación de emprego. Na nova estratexia impulsada dende a Consellería de Economía e Facenda, Igape e Xesgalicia –instrumentos públicos de dinamización económica-, convértense así en auténticos “axentes de competitividade” nas súas funcións de apoio á actividade empresarial.
A concentración selectiva de esforzos foi, segundo o conselleiro, unha das claves da actividade do Igape durante o pasado exercicio. “A concentración de esforzos responde a unha aposta estratéxica da nova política económica que persegue impulsar a competitividade e internacionalización dos sectores con maior potencial da nosa economía”, explicou Fernández Antonio, que apuntou como sectores prioritarios os de enerxías renovables, téxtil, compoñentes do automóbil, madeira, loxística, industria alimentaria de calidade, pedra, Tecnoloxías de Información e Comunicacións (TIC), audiovisual, naval e turismo.
Cuantitativamente, a concentración do esforzo nas axudas reflíctese no feito de que os 50 principais proxectos concentran o 44% das axudas aprobadas polo Igape. No global do ano, o volumen de axuda aprobado polo instituto foi de 88 millóns de euros.
Proxectos en Ferrolterra
Pola súa banda, a fixación selectiva de apoios tamén se traduciu no establecemento dunha liña específica de apoio á comarca de Ferrolterra e nunha estratexia de colaboración coa Administración central para reforzar os esforzos nesa área. En total, apoiaronse 27 proxectos cun investimento global de 105 millóns de euros, unhas axudas do Igape de 14,5 millóns e a creación de 264 postos de traballo. A isto habería que engadir os 3 millons de axudas e os 43,5 millóns de euros de préstamos a tipo de xuro cero da liña de Incentivos do Ministerio de Industria sobre 52 proxectos e unha creación de emprego de 328 novos empregos. Entre os novos proxectos para Ferrol inclúense os de Entabán, e Metalúrgica del Atlántico, no ámbito enerxético; ou o de Loira Inter, no sector do moble.
Impulso ao capital risco
No balance do exercicio o conselleiro de Economía tamén subliñou a importancia do capital risco na promoción de proxectos de investimento. Xesgalicia, xestora de Sodiga e dos fondos Emprende, Adiante e Aquagal culminou un exercicio histórico nos que apoiou 19 novos proxectos cun investimento de 37,37 millóns de euros, o que supón multiplicar por 5,6 veces o investimento do exercicio anterior, cando materializou unha ducia de proxectos. No novo enfoque da súa actividade, explicou o conselleiro, Xesgalicia aborda unha “estratexia proactiva e dinámica para incrementar o número de proxectos apoiados e a maior rotación dos seus investimentos”. Nesa liña, a sociedade abordou o pasado ano unha ampliación de capital en Sodiga de 27,58 millóns de euros; e nos fondos Emprende e Aquagal por 1,9 millóns e 1 millón respectivamente, suscritos polo Igape. No caso de Sodiga –sociedad coparticipada por varias entidades financeiras- a achega da Xunta de Galicia ascenderon a 18,82 millóns de euros.
Centro da rede de asesoramento
Pola súa banda, o Igape iniciou o pasado ano unha nova etapa que supón un salto cualitativo ao impulsar unha estratexia baseada na eficacia da xestión, no dinamismo da actividade e na innovación nos procesos. Eficacia na xestión de trámites e na prestación de servizos, que traduciuse nunha maior axilidade que permitiu elevar os pagamentos realizados nun 75%. Neste ámbito, son de salientar as medidas orientadas á extensión da sinatura dixital nas distintas fases de tramitación dos expedentes, e o impulso da presentación telemática de documentos.
Igualmente, o maior dinamismo da actividade orientouse cara a unha clara aposta polo apoio á internacionalización das empresas tanto na súa salida ao exterior, como no terreo da captación de investimentos. Os cinco Centros de Promoción de Negocios (CPN) ubicados en Estados Unidos, China, Alemaña, Polonia e Xapón, incrementaron a prestación de servizos un 66% ata preto de 2.500 actuacións, mil máis que o ano anterior. Nesa liña de potenciar o papel de prestador de servizos, o Igape ten como obxectivo crear unha rede de asesoramento que achegue servizos de valor engadido ás empresas.
A iniciativa, que contará co apoio do instrumentos públicos de dinamización dependentes da Consellería de Economía e Facenda, ubicarase en Ourense e suporá un investimento de 75 millóns de euros e a creación de 200 empregos. Participada maioritariamente polo grupo Isolux, T-Solar Global contará no seu capital coa participación de Xesgalicia. O proxecto foi presentado hoxe polo conselleiro de Economía e Facenda, José Ramón Fernández Antonio, quen explicou que a nova empresa producirá paneis solares cunha avanzada tecnoloxía baseada no silicio amorfo.
A novidosa iniciativa contará co apoio da Consellería de Economía a través do Igape que achegará 5,84 millóns de euros, cifra que podería incrementarse ata os 13 millóns coa achega de Incentivos Rexionais. Ademais, no capital social, que ascenderá a 17 millóns de euros, terá participación Xesgalicia a través do fondo Emprende con 5 millóns de euros. O financiamento do proxecto complétase coa participación das dúas caixas de aforro galegas, que achegarán préstamos por importe de 20 millóns de euros. Neste último bloque de financiación tamén participa a consellería mediante a concesión dun aval do Igape por 10 millóns de euros.
O conselleiro subliñou a importancia do novo proxecto que, afirmou, vén continuar outras implantacións rexistradas o pasado ano, no que o Igape e Xesgalicia impulsaron investimentos por 1.436 millóns de euros. Entre os principais proxectos, figuran varios do sector enerxético e medioambiental como o de Infinita Renovables, en Salvaterra do Miño (Pontevedra), e Entabán Biocombustibles, en Ferrol. Destacan tamén neste ámbito Biomasa Forestal (Santa Comba-A Coruña), Industrias Olimeca (Outeiro de Rei-Lugo), e Tecnoambiente Galicia (Cerceda-A Coruña).
Igualmente, o conselleiro destacou proxectos no sector de automoción como os de Benteler e Copo; no sector da madeira, como Loira Inter; ou no téxtil, con Sociedad Textil Lonia. Os apoios de Igape e Xesgalicia tamén fixeron posible proxectos no sector da transformación de produtos do mar (Vieirasa); no transporte marítimo (Navigasa), ou na enxeñería (Russula). Estas compañías contan con importantes iniciativas e proxectos de internacionalización, o que constitúe unha liña prioritaria do crecemento económicos dentro da nova política económica do Goberno galego.
Concentrar esforzos
O dinamismo na creación e impulso de proxectos empresarias durante o pasado ano viuse acompañado pola nova estratexia dos instrumentos públicos de dinamización económica. Concentrar esforzos en apoios selectivos; incrementar a dotación e potencial dos fondos de capital risco; e impulsar os servizos ás empresas nas áreas de internacionalización, captación de investimentos e asesoramento especializado, foron as liñas fundamentais da nova estratexia desenvolvida por Igape e Xesgalicia no seu obxectivo de dinamizar o tecido produtivo galego impulsando o crecemento e a creación de emprego. Na nova estratexia impulsada dende a Consellería de Economía e Facenda, Igape e Xesgalicia –instrumentos públicos de dinamización económica-, convértense así en auténticos “axentes de competitividade” nas súas funcións de apoio á actividade empresarial.
A concentración selectiva de esforzos foi, segundo o conselleiro, unha das claves da actividade do Igape durante o pasado exercicio. “A concentración de esforzos responde a unha aposta estratéxica da nova política económica que persegue impulsar a competitividade e internacionalización dos sectores con maior potencial da nosa economía”, explicou Fernández Antonio, que apuntou como sectores prioritarios os de enerxías renovables, téxtil, compoñentes do automóbil, madeira, loxística, industria alimentaria de calidade, pedra, Tecnoloxías de Información e Comunicacións (TIC), audiovisual, naval e turismo.
Cuantitativamente, a concentración do esforzo nas axudas reflíctese no feito de que os 50 principais proxectos concentran o 44% das axudas aprobadas polo Igape. No global do ano, o volumen de axuda aprobado polo instituto foi de 88 millóns de euros.
Proxectos en Ferrolterra
Pola súa banda, a fixación selectiva de apoios tamén se traduciu no establecemento dunha liña específica de apoio á comarca de Ferrolterra e nunha estratexia de colaboración coa Administración central para reforzar os esforzos nesa área. En total, apoiaronse 27 proxectos cun investimento global de 105 millóns de euros, unhas axudas do Igape de 14,5 millóns e a creación de 264 postos de traballo. A isto habería que engadir os 3 millons de axudas e os 43,5 millóns de euros de préstamos a tipo de xuro cero da liña de Incentivos do Ministerio de Industria sobre 52 proxectos e unha creación de emprego de 328 novos empregos. Entre os novos proxectos para Ferrol inclúense os de Entabán, e Metalúrgica del Atlántico, no ámbito enerxético; ou o de Loira Inter, no sector do moble.
Impulso ao capital risco
No balance do exercicio o conselleiro de Economía tamén subliñou a importancia do capital risco na promoción de proxectos de investimento. Xesgalicia, xestora de Sodiga e dos fondos Emprende, Adiante e Aquagal culminou un exercicio histórico nos que apoiou 19 novos proxectos cun investimento de 37,37 millóns de euros, o que supón multiplicar por 5,6 veces o investimento do exercicio anterior, cando materializou unha ducia de proxectos. No novo enfoque da súa actividade, explicou o conselleiro, Xesgalicia aborda unha “estratexia proactiva e dinámica para incrementar o número de proxectos apoiados e a maior rotación dos seus investimentos”. Nesa liña, a sociedade abordou o pasado ano unha ampliación de capital en Sodiga de 27,58 millóns de euros; e nos fondos Emprende e Aquagal por 1,9 millóns e 1 millón respectivamente, suscritos polo Igape. No caso de Sodiga –sociedad coparticipada por varias entidades financeiras- a achega da Xunta de Galicia ascenderon a 18,82 millóns de euros.
Centro da rede de asesoramento
Pola súa banda, o Igape iniciou o pasado ano unha nova etapa que supón un salto cualitativo ao impulsar unha estratexia baseada na eficacia da xestión, no dinamismo da actividade e na innovación nos procesos. Eficacia na xestión de trámites e na prestación de servizos, que traduciuse nunha maior axilidade que permitiu elevar os pagamentos realizados nun 75%. Neste ámbito, son de salientar as medidas orientadas á extensión da sinatura dixital nas distintas fases de tramitación dos expedentes, e o impulso da presentación telemática de documentos.
Igualmente, o maior dinamismo da actividade orientouse cara a unha clara aposta polo apoio á internacionalización das empresas tanto na súa salida ao exterior, como no terreo da captación de investimentos. Os cinco Centros de Promoción de Negocios (CPN) ubicados en Estados Unidos, China, Alemaña, Polonia e Xapón, incrementaron a prestación de servizos un 66% ata preto de 2.500 actuacións, mil máis que o ano anterior. Nesa liña de potenciar o papel de prestador de servizos, o Igape ten como obxectivo crear unha rede de asesoramento que achegue servizos de valor engadido ás empresas.
Gabinete de Comunicación da Consellería de Economía e Facenda da Xunta de Galicia