As praias de Sanxenxo afectadas pola vertedura de gasóleo xa están abertas para o baño
As praias pontevedresas de A Panadeira e Lavapanos, pechadas previamente na xornada de onte por unha vertedura de gasóleo procedente do pesqueiro Eliécer, xa están novamente abertas para o o baño. A primeira hora desta mañá axentes do Servizo de Gardacostas da Consellería de Pesca, xunto con técnicos de Portos de Galicia e de Salvamento Marítimo revisaron estas zonas e comprobaron que unicamente quedaba unha pequena irisación no fondo das dársenas que está prevista que se evapore ao longo da xornada.
En vista de que as demais áreas, incluidos os areais, estaban limpos procedeuse a retirar o material absorbente instalado no día de onte. Cabe lembrar que, a modo de prevención, despregáronse uns 350 metros de barreira absorbente para acotar a zona da vertedura e protexer as praias, dos que 140 metros son do Servizo de Gardacostas e foron colocados en A Panadeira. Ademais, empregáronse 400 unidades de panos e 100 metros de pano continuo.
A vertedura, de preto de 100 litros de gasóleo, rexistrouse a madrugada do sábado ao domingo debido a un erro no amarre da embarcación Eliécer que acabou escorando. Inmediatamente, activouse un protocolo de actuación no que participaron Salvamento Marítimo e as Consellerías de Política Territorial e Pesca e Asuntos Marítimos, de xeito que a coordinación entre estes departamentos permitiu dar unha resposta áxil e eficaz á
problemática. Así mesmo, cabe subliñar que nas tarefas de limpeza tamén participou persoal do porto deportivo de Sanxenxo.
En vista de que as demais áreas, incluidos os areais, estaban limpos procedeuse a retirar o material absorbente instalado no día de onte. Cabe lembrar que, a modo de prevención, despregáronse uns 350 metros de barreira absorbente para acotar a zona da vertedura e protexer as praias, dos que 140 metros son do Servizo de Gardacostas e foron colocados en A Panadeira. Ademais, empregáronse 400 unidades de panos e 100 metros de pano continuo.
A vertedura, de preto de 100 litros de gasóleo, rexistrouse a madrugada do sábado ao domingo debido a un erro no amarre da embarcación Eliécer que acabou escorando. Inmediatamente, activouse un protocolo de actuación no que participaron Salvamento Marítimo e as Consellerías de Política Territorial e Pesca e Asuntos Marítimos, de xeito que a coordinación entre estes departamentos permitiu dar unha resposta áxil e eficaz á
problemática. Así mesmo, cabe subliñar que nas tarefas de limpeza tamén participou persoal do porto deportivo de Sanxenxo.
Gabinete de Comunicación da Consellería de Pesca e Asuntos Marítimos da Xunta de Galicia