O Sistema Universitario de Galicia participa en Arxentina e Chile na Feira Europosgraos
A Consellería de Educación e Ordenación Universitaria participa, a través da Dirección Xeral de Ordenación e Calidade do Sistema Universitario de Galicia (SUG), na feira Europosgraos, que se celebra en Chile e Arxentina. En concreto, entre os días 1 e 4 de outubro poderase visitar esta feira no Centro Cultural estación Mapocho, en Santiago de Chile, e nela están presentes máis de 60 institucións europeas de ensino superior. A este acto asiste o xefe do Servizo de Apoio e Orientación aos Estudantes universitarios da Dirección xeral de Ordenación e Calidade do SUG., Xosé L. Villar Iglesias.
No mesmo senso, Elena Goldar, asesora técnica en materia de Apoio e Orientación aos Estudantes universitarios será a representante da Consellería de Educación e Ordenación Universitaria na Feira Europosgraos en Bos Aires, Arxentina, no Auditorio Buenos Aires Design, que se celebrará os días 5 e 6 de outubro. Neste evento máis de 100 universidades europeas terán un expositor.
O obxectivo desta feira é poñer ao alcance dos estudantes e profesionais dos respectivos países toda a oferta relacionada coa formación académica e profesional europea.
O Sistema Universitario de Galicia conta na actualidade con 75.000 alumnos, 5.500 profesores e 2.600 postos de Administración e Servizos distribuídos nos 7 campus das 3 universidades. Ademais, impártense 168 titulacións e xa se poden cursar 73 títulos oficiais de posgrao en liña cos obxectivos europeos que defende o Proceso de Bolonia.
No mesmo senso, Elena Goldar, asesora técnica en materia de Apoio e Orientación aos Estudantes universitarios será a representante da Consellería de Educación e Ordenación Universitaria na Feira Europosgraos en Bos Aires, Arxentina, no Auditorio Buenos Aires Design, que se celebrará os días 5 e 6 de outubro. Neste evento máis de 100 universidades europeas terán un expositor.
O obxectivo desta feira é poñer ao alcance dos estudantes e profesionais dos respectivos países toda a oferta relacionada coa formación académica e profesional europea.
O Sistema Universitario de Galicia conta na actualidade con 75.000 alumnos, 5.500 profesores e 2.600 postos de Administración e Servizos distribuídos nos 7 campus das 3 universidades. Ademais, impártense 168 titulacións e xa se poden cursar 73 títulos oficiais de posgrao en liña cos obxectivos europeos que defende o Proceso de Bolonia.
Gabinete de Comunicación da Consellería de Educación e Ordenación Universitaria