Autorizado o gasto plurianual en bolsas de formación de especialistas en investigación mariña
O Consello da Xunta autorizou o compromiso de gasto plurianual correspondente á Orde pola que se aproban as bases que rexerán a convocatoria de bolsas de formación de persoal especialista en investigación mariña, correspondentes ao programa de Recursos Humanos do Plan Galego de Investigación, Desenvolvemento e Innovación Tecnolóxica (PGIDIT) do Goberno galego. Ademais, procedeuse tamén a dar o visto e prace á próxima convocatoria destas axudas.
O obxecto desta convocatoria será a concesión de tres bolsas de dous anos de duración, prorrogables por outro ano máis, e destinadas a titulados superiores universitarios, para a realización de teses de doutoramento nos seguintes proxectos: “Estudo da presenza de tumores en solénidos. Posible orixe. Aspectos biolóxicos e xenéticos”; “Estudo do stock das poboacións de vieira Pecten maximus nas rías galegas”, e “Estudo da perkinsose no litoral español: caracterización de variantes taxonómicas do parasito, do seu ciclo de vida e da resposta inmunitaria do hóspede”.
Para a concesión destas axudas de formación a Consellería de Pesca e Asuntos Marítimos achegará un total de 105.462,00 euros, repartidos en tres anualidades: 40.700,00 euros no ano 2008, 54.872,00 no 2009 e 9.890,00 no 2010.
Programas dedicados aos recursos humanos e recursos mariños
O Plan Galego de Investigación, Desenvolvemento e Innovación Tecnolóxica (PGIDIT), foi creado polo Goberno galego coa finalidade de fomentar a investigación científica e o desenvolvemento e innovación tecnolóxica de cara a promover o desenvolvemento económico, social e produtivo de Galicia. O PGIDIT está integrado por liñas de actuación xerais, sectoriais e horizontais. Dentro das horizontais figura o programa de recursos humanos, destinado a incrementar o persoal dedicado a actividades de I+D+i, tanto en número como en especialización. Así mesmo, nas liñas de actuación sectoriais atópase un programa dedicado aos recursos mariños, que ten como propósito actuar sobre dúas áreas
fundamentais neste eido: a pesca e a acuicultura, que cada vez exixen unha maior presenza de persoal con altos niveis de formación e experiencia.
O obxecto desta convocatoria será a concesión de tres bolsas de dous anos de duración, prorrogables por outro ano máis, e destinadas a titulados superiores universitarios, para a realización de teses de doutoramento nos seguintes proxectos: “Estudo da presenza de tumores en solénidos. Posible orixe. Aspectos biolóxicos e xenéticos”; “Estudo do stock das poboacións de vieira Pecten maximus nas rías galegas”, e “Estudo da perkinsose no litoral español: caracterización de variantes taxonómicas do parasito, do seu ciclo de vida e da resposta inmunitaria do hóspede”.
Para a concesión destas axudas de formación a Consellería de Pesca e Asuntos Marítimos achegará un total de 105.462,00 euros, repartidos en tres anualidades: 40.700,00 euros no ano 2008, 54.872,00 no 2009 e 9.890,00 no 2010.
Programas dedicados aos recursos humanos e recursos mariños
O Plan Galego de Investigación, Desenvolvemento e Innovación Tecnolóxica (PGIDIT), foi creado polo Goberno galego coa finalidade de fomentar a investigación científica e o desenvolvemento e innovación tecnolóxica de cara a promover o desenvolvemento económico, social e produtivo de Galicia. O PGIDIT está integrado por liñas de actuación xerais, sectoriais e horizontais. Dentro das horizontais figura o programa de recursos humanos, destinado a incrementar o persoal dedicado a actividades de I+D+i, tanto en número como en especialización. Así mesmo, nas liñas de actuación sectoriais atópase un programa dedicado aos recursos mariños, que ten como propósito actuar sobre dúas áreas
fundamentais neste eido: a pesca e a acuicultura, que cada vez exixen unha maior presenza de persoal con altos niveis de formación e experiencia.
Gabinete de Comunicación da Consellería de Innovación e Industria da Xunta de Galicia