O Centro Galicia de Bos Aires organiza un ciclo sobre as mulleres
María Xosé Porteiro, Delegada da Xunta de Galicia en Buenos Aires, da comezo ao ciclo As mulleres como protagonistas cunha intervención sobre situación das emigrantes latinoamericanas en Europa.
Esta iniciativa, impulsada pola Comisión de Cultura do Centro Galicia de Buenos Aires para “abrir espazos máis igualitarios na conmemoración do Día internacional da muller, conta cun programa de actividades que se desenvolverá ao longo dos meses de marzo e abril. Nela intégranse conferencias, debates, obradoiros e mesmo unha exposición fotográfica co obxectivo de achegarse ás diversas reflexións que estimulen a participación efectiva das mulleres en todos os ámbitos sociais.
A xornada inaugural conta tamén coa participación da investigadora e escritora María Rosa Lojo e o presidente do Centro Galicia de Buenos Aires, Héctor Fernández Álvarez.
Nos sucesivos encontros falarase dos cambios experimentados no sistema educativo formal en canto a xénero, analizarase a evolución dos estereotipos de xénero, da discriminación, da participación e da representación política das mulleres. Así mesmo, realizarase unha lectura dos medios de comunicación dende unha perspectiva de xénero e abordarase a relación entre educación e violencia sexista.
A muller traballadora
Tamén se abre ao público a mostra “Muller e Traballo” composta por 27 fotografías cedidas polo Arquivo Histórico Xeral da Nación Arxentina. Nela recóllense imaxes tomadas entre os anos 1870 e 1973 que amosan escenas cotiás do traballo levado a cabo polas mulleres en Buenos Aires.
A mostra pode visitarse todos os días do mes de marzo a partir das 17 horas na sede do Centro Galicia de Buenos Aires (Bartolomé Mitre 2552. Capital Federal).
Esta iniciativa, impulsada pola Comisión de Cultura do Centro Galicia de Buenos Aires para “abrir espazos máis igualitarios na conmemoración do Día internacional da muller, conta cun programa de actividades que se desenvolverá ao longo dos meses de marzo e abril. Nela intégranse conferencias, debates, obradoiros e mesmo unha exposición fotográfica co obxectivo de achegarse ás diversas reflexións que estimulen a participación efectiva das mulleres en todos os ámbitos sociais.
A xornada inaugural conta tamén coa participación da investigadora e escritora María Rosa Lojo e o presidente do Centro Galicia de Buenos Aires, Héctor Fernández Álvarez.
Nos sucesivos encontros falarase dos cambios experimentados no sistema educativo formal en canto a xénero, analizarase a evolución dos estereotipos de xénero, da discriminación, da participación e da representación política das mulleres. Así mesmo, realizarase unha lectura dos medios de comunicación dende unha perspectiva de xénero e abordarase a relación entre educación e violencia sexista.
A muller traballadora
Tamén se abre ao público a mostra “Muller e Traballo” composta por 27 fotografías cedidas polo Arquivo Histórico Xeral da Nación Arxentina. Nela recóllense imaxes tomadas entre os anos 1870 e 1973 que amosan escenas cotiás do traballo levado a cabo polas mulleres en Buenos Aires.
A mostra pode visitarse todos os días do mes de marzo a partir das 17 horas na sede do Centro Galicia de Buenos Aires (Bartolomé Mitre 2552. Capital Federal).
Gabinete de Comunicación da Xunta de Galicia