O Vaticano acolle unha exposición fotográfica sobre o Camiño entre Santiago e Roma
A cidade do Vaticano acolle ate o 13 de abril unha mostra singular de fotografías e textos que recollen a esencia dos puntos mais importantes que atravesa a ruta que une as dúas Cidades Santas de Santiago de Compostela e Roma. Santiago, Roma e Xerusalén son as peregrinacións maiores e eixos da civilización e da cultura medievais. Dous sistemas viarios vertebran o corpo: os Camiños de Santiago cara Occidente e as vías rómeas cara Roma. Nestes camiños naceu a civilización europea. A mostra, promovida pola Consellaría de Innovación e Industria a través da S.A. de Xestión do Plan Xacobeo, foi inaugurada hoxe en Roma polo director xeral de Turismo, Ruben Lois, acompañado do comisario, Paolo Caucci, e mais do deán da Catedral de Santiago, José María Díaz e do presidente da Fondazione per i Beni e le Attività Artistiche della Chiesa.
“Roma-Santiago/ Santiago-Roma. Itinerari, segni e memoria dell'Europa del pellegrinaggio” é o título da exposición que percorre aspectos esenciais da civilización europea, do Camiño, das paisaxes, igrexas e edificios de peregrinos. Segundo explica o comisario, Paolo Caucci, “os peregrinos uniron Santiago e Roma e pronto eles mesmos uniran as dúas cidades coa outra cidade Santa, Xerusalén”. O director xeral de Turismo, Ruben Lois, expresou na súa intervención a satisfacción da Consellaría por poder presentar neste lugar privilexiado a primeira exposición que relaciona visualmente as dúas Cidades Santas ao tempo que destacou que “todos os Camiños levan a Roma, todos os Camiños conducen a Santiago e existen camiños que nos comunican e que se poden coñecer a través desta mostra”. Así mesmo, explicou que o fenómeno de recuperación do Camiño estase a producir dende o exercicio da xestión pública pero tamén grazas á colaboración das Asociacións de Amigos do Camiño, dos investigadores e mais da colaboración e consenso coa Igrexa.
Seguindo os principais camiños de peregrinación medieval, as cen fotografías que ilustran o proxecto están colocadas de xeito que o visitante percorra a distancia entre Roma e Santiago seguindo linealmente a exposición, que remata en Galiza con fotografías do Cebreiro e do Camiño ao seu paso por Melide para concluír cunha fotografía da praza do Obradoiro.
A mostra foi promovida pola Consellaría, a través da S.A. De Xestión do Plan Xacobeo, e conta coa colaboración do Centro Italiano di Studi Compostellani, do Comitato Nazionale per le Celbrazioni del V Centenario della Fondazione della Basilica di San Pietro, e da Fondazione per i Beni e le Attività Artistiche della Chiesa.
“Roma-Santiago/ Santiago-Roma. Itinerari, segni e memoria dell'Europa del pellegrinaggio” é o título da exposición que percorre aspectos esenciais da civilización europea, do Camiño, das paisaxes, igrexas e edificios de peregrinos. Segundo explica o comisario, Paolo Caucci, “os peregrinos uniron Santiago e Roma e pronto eles mesmos uniran as dúas cidades coa outra cidade Santa, Xerusalén”. O director xeral de Turismo, Ruben Lois, expresou na súa intervención a satisfacción da Consellaría por poder presentar neste lugar privilexiado a primeira exposición que relaciona visualmente as dúas Cidades Santas ao tempo que destacou que “todos os Camiños levan a Roma, todos os Camiños conducen a Santiago e existen camiños que nos comunican e que se poden coñecer a través desta mostra”. Así mesmo, explicou que o fenómeno de recuperación do Camiño estase a producir dende o exercicio da xestión pública pero tamén grazas á colaboración das Asociacións de Amigos do Camiño, dos investigadores e mais da colaboración e consenso coa Igrexa.
Seguindo os principais camiños de peregrinación medieval, as cen fotografías que ilustran o proxecto están colocadas de xeito que o visitante percorra a distancia entre Roma e Santiago seguindo linealmente a exposición, que remata en Galiza con fotografías do Cebreiro e do Camiño ao seu paso por Melide para concluír cunha fotografía da praza do Obradoiro.
A mostra foi promovida pola Consellaría, a través da S.A. De Xestión do Plan Xacobeo, e conta coa colaboración do Centro Italiano di Studi Compostellani, do Comitato Nazionale per le Celbrazioni del V Centenario della Fondazione della Basilica di San Pietro, e da Fondazione per i Beni e le Attività Artistiche della Chiesa.
Gabinete de Comunicación da Consellería de Innovación e Industria da Xunta de Galicia