Axentes gardacostas participan en Ferrol nun curso de actualización da lexislación pesqueira
Axentes do Servizo de Gardacostas da Consellería de Pesca e Asuntos Marítimos procedentes das unidades operativas de Celeiro, Ferrol e A Coruña participan nun curso de actualización da lexislación pesqueira, que se celebra na Escola Náutico-Pesqueira de Ferrol. As xornadas deron comezo o pasado luns e rematarán o vindeiro mércores 17 de setembro.
Esta acción formativa, que está incluída no Plan de Formación Continua da Escola Galega de Administración Pública (EGAP), incorpora diversas temáticas vencelladas coa lexislación xeral, a nivel europeo e estatal, co fin de actualizar, ordenar e harmonizar os coñecementos dos axentes de Pesca en materia de inspección.
O programa, de carácter presencial e de 21 horas de duración, organízase en torno a cinco seccións temáticas que aglutinan información sobre o marco normativo xeral do control das actividades pesqueiras; a inspección en buques de pesca e o sistema de medición das diversas artes. Así mesmo, tamén se centran nos establecementos auxiliares de acuicultura, como son as depuradoras de moluscos, cetarias, depósitos reguladores ou expositores; e a normativa sobre a comercialización e transporte dos produtos de pesca, marisqueo e acuicultura.
O Servizo de Gardacostas da Consellería de Pesca, coa colaboración da EGAP, ten prevista a realización doutras dúas accións formativas que comparten os mesmos obxectivos e que se centrarán tamén na actualización da inspección pesqueira. Estas actividades terán lugar no próximo mes de outubro en Santiago e Pontevedra.
Dende a Consellería de Pesca estase a incidir de xeito notable na formación dos profesionais que integran o Servizo de Gardacostas de Galicia. Deste modo, cabe sinalar que os axentes tamén están a recibir formación vencellada á loita contra a contaminación e o salvamento. Así mesmo, en abril deste ano participaron nun curso sobre a regulación da primeira venda dos produtos da pesca e o emprego de datos estatísticos desta actividade.
Esta acción formativa, que está incluída no Plan de Formación Continua da Escola Galega de Administración Pública (EGAP), incorpora diversas temáticas vencelladas coa lexislación xeral, a nivel europeo e estatal, co fin de actualizar, ordenar e harmonizar os coñecementos dos axentes de Pesca en materia de inspección.
O programa, de carácter presencial e de 21 horas de duración, organízase en torno a cinco seccións temáticas que aglutinan información sobre o marco normativo xeral do control das actividades pesqueiras; a inspección en buques de pesca e o sistema de medición das diversas artes. Así mesmo, tamén se centran nos establecementos auxiliares de acuicultura, como son as depuradoras de moluscos, cetarias, depósitos reguladores ou expositores; e a normativa sobre a comercialización e transporte dos produtos de pesca, marisqueo e acuicultura.
O Servizo de Gardacostas da Consellería de Pesca, coa colaboración da EGAP, ten prevista a realización doutras dúas accións formativas que comparten os mesmos obxectivos e que se centrarán tamén na actualización da inspección pesqueira. Estas actividades terán lugar no próximo mes de outubro en Santiago e Pontevedra.
Dende a Consellería de Pesca estase a incidir de xeito notable na formación dos profesionais que integran o Servizo de Gardacostas de Galicia. Deste modo, cabe sinalar que os axentes tamén están a recibir formación vencellada á loita contra a contaminación e o salvamento. Así mesmo, en abril deste ano participaron nun curso sobre a regulación da primeira venda dos produtos da pesca e o emprego de datos estatísticos desta actividade.
Gabinete de Comunicación da Consellería de Pesca e Asuntos Marítimos da Xunta de Galicia