Os clústers galegos buscan novas vías de negocio na cooperación internacional
O director xeral do Igape, Javier Aguilera, salientou no encontro internacional celebrado en Santiago ao abeiro do proxecto europeo AT Clusters que a cooperación dos clústers galegos con outros do espazo atlántico europeo, que propicia esta iniciativa, é unha importante vía para atopar novas oportunidades para as empresas galegas, impulsando a súa internacionalización e mellora competitiva.
Na súa intervención na xornada, na que participaron clústers e axencias de desenvolvemento rexional de Asturias, Portugal, Francia e Irlanda, Aguilera destacou a aposta da Consellería de Economía e Industria por apoiar a consolidación de clústers excelentes e con capacidade para traballar tamén en rede.
O director do Igape lembrou que desde o seu comezo en 2009 o proxecto AT Clusters que agora remata ten facilitado importantes avances na profesionalización dos clústers galegos, contando xa nove deles con etiqueta europea de excelencia, e está a permitir afondar na apertura de novos camiños de cooperación.
Destacou neste sentido que un dos obxectivos é intensificar o labor de colaboración entre clústers, a nivel internacional e no marco dunha rede cada vez máis ampla e con maior capacidade para facilitar o acceso das empresas galegas a proxectos europeos.
No encontro houbo mesas centradas nos sectores naval, téxtil, alimentación e industrias culturais nas que participaron expertos e representantes de diversos clústers internacionais.
Na súa intervención na xornada, na que participaron clústers e axencias de desenvolvemento rexional de Asturias, Portugal, Francia e Irlanda, Aguilera destacou a aposta da Consellería de Economía e Industria por apoiar a consolidación de clústers excelentes e con capacidade para traballar tamén en rede.
O director do Igape lembrou que desde o seu comezo en 2009 o proxecto AT Clusters que agora remata ten facilitado importantes avances na profesionalización dos clústers galegos, contando xa nove deles con etiqueta europea de excelencia, e está a permitir afondar na apertura de novos camiños de cooperación.
Destacou neste sentido que un dos obxectivos é intensificar o labor de colaboración entre clústers, a nivel internacional e no marco dunha rede cada vez máis ampla e con maior capacidade para facilitar o acceso das empresas galegas a proxectos europeos.
No encontro houbo mesas centradas nos sectores naval, téxtil, alimentación e industrias culturais nas que participaron expertos e representantes de diversos clústers internacionais.
Gabinete de Comunicación da Xunta de Galicia