Presentado el informe de gestión durante la reunión del Patronato de la Fundación Cetmar
En esta reunión, los miembros del Patronato del Cetmar aceptaron la renuncia de Manuel Varela y autorizaron el nombramiento de Alberto González Garcés como nuevo director-gerente del Centro Tecnológico del Mar. La reunión, presidida por Carmen Gallego, abordó cuestiones relacionadas con el funcionamiento interno del centro.
Nota de prensa remitida por el Gabinete de Comunicación de la Xunta de Galicia:
A Conselleira de Pesca e Asuntos Marítimos, Carmen Gallego Calvar, presidiu a reunión do Padroado da Fundación Cetmar, celebrada en Vigo, á que tamén asistiron o Secretario General de Pesca Marítima, Juan Carlos Martín Fragueiro; a directora xeral de Innovación e Desenvolvemento Pesqueiro, Fátima Linares Cuerpo, e o director do Cetmar, Manuel Varela. Tamén estiveron presentes como membros do Padroado, responsables do Instituto Español de Oceanografía (IEO), das consellerías de Medio Ambiente, Educación e Innovación e Industria, así como representantes das Universidade de Vigo e Santiago.
O desenvolvemento da xuntanza deu comezou, segundo constaba na orde do día, coa lectura da acta da sesión anterior, que quedou aprobada co asentimento de todos os presentes. Tras a lectura da devandita acta, de data 18 de decembro de 2006, os asistentes aprobaron as contas anuais da Fundación relativas ao exercicio 2006, que foron presentadas polo director do centro e secretario do Padroado, Manuel Varela.
No terceiro dos puntos do día presentouse o Informe de Xestión do Cetmar e aprobouse a subvención nominativa adicional no marco do plan financeiro do centro. Tamén se lle deu o visto bo ao Convenio coa Fundación para a Sociedade do Coñecemento para o emprego provisional dalgunhas instalacións do Centro Tecnolóxico do Mar e ratificouse a delegación de competencias de ámbito xurídico e de representación da Fundación no director-xerente.
Finalmente, o último asunto da orde do día que se tratou foi o da renuncia de Manuel Varela ao cargo de director-xerente, que foi aceptada por todos os presentes e que se fará efectiva o día 5 de xullo de 2007. Manuel Varela agradeceu aos presentes a confianza posta na súa persoa para o desempeño do seu cargo e o apoio recibido en todo momento polos membros do Padroado para levar a acabo o traballo que lle fora encomendado o pasado ano 2005. Do mesmo xeito, todos os membros do Padroado agradecéronlle o labor realizado á fronte do Cetmar.
Ademais, os participantes na xuntanza celebrada hoxe autorizaron o nomeamento do que se constituirá como novo responsable da Fundación Cetmar a proposta do propio Padroado. Segundo acordaron, será Alberto González Garcés o que substituirá a Manuel Varela como director-xerente da Fundación Cetmar.
Alberto González Garcés é doctor en Bioloxía pola Universidade Complutense de Madrid, sendo a súa especialidade a investigación de recursos mariños explotados. Foi membro do Gabinete do Vicepresidente da Comisión Europea Manuel Marín dende 1989 ata 1993, así mesmo presidiu o Comité Científico, Técnico e Económico da Pesca da UE e o Comité Científico para a Organización Internacional para la Conservación del Atún del Atlántico (ICATT). Dende fai 14 anos González Garcés desempeña o cargo de director do Centro de Vigo do Instituto Español de Oceanografía.
R.