Innovación destina 20.000 euros al impulso del software libre entre los empresarios gallegos
Nota de prensa remitida por el Gabinete de Comunicación de la Consellería de Innovación e Industria de la Xunta de Galicia:
A directora xeral de Promoción Industrial e da Sociedade da Información da Consellaría de Innovación e Industria, Helena Veiguela, asinou, en calidade de apoderada da Fundación para o Fomento da Calidade Industrial e Desenvolvemento Tecnolóxico de Galicia, un convenio de colaboración coa Asociación de Empresas Galegas de Software Libre (Agasol) para a realización de actuacións que contribúan ao desenvolvemento e á difusión das tecnoloxías de código aberto entre o tecido empresarial galego. A iniciativa, promovida dende o Centro de Referencia e Servizos de Software Libre de Galiza, Mancomún, disporá dunha partida orzamentaria de 20.000 euros achegados a través da Fundación para o Fomento da Calidade Industrial e Desenvolvemento Tecnolóxico de Galicia.
O convenio ten como propósito promover a difusión e a implantación de aplicacións de código aberto entre o tecido empresarial galego co fin de impulsar o desenvolvemento económico sostible de acordo aos obxectivos recollidos no Plano Estratéxico Galego da Sociedade da Información (PEGSI).
Segundo o acordo subscrito, será Agasol a responsable de achegar ás empresas galegas, a través de presentacións e da distribución de material promocional, as especificidades e as vantaxes do software libre. Asinando por parte de Agasol participou no acto o seu presidente, Javier vázquez, quen explicaba os obxectivos do colectivo do seguinte xeito, “queremos dar a coñecer os casos de éxito empresarial con tecnoloxías abertas e transmitir, ás entidades alleas ás mesmas, toda a utilidade práctica que conleva”.
A directora xeral e mailo representante da asociación estiveron acompañados no momento da sinatura polo coordinador do Centro de Referencia e Servizos de Software Libre, Xesús M. Benítez Baleato, e polo xerente da Fundación para o Fomento da Calidade Industrial e o Desenvolvemento Tecnolóxico de Galicia, Xosé Lois Villasante. Con esta imaxe reprodúcese o encontro acontecido o pasado 19 de setembro, data na que se asinou o convenio de colaboración cos Grupos Galegos de Usuarios de Software Libre (GGUL) e en virtude do cal once asociacións se beneficiarán de 5.000 euros respectivamente para a promoción do software libre.
Deste xeito, son xa 75.000 euros a cantidade que a Consellaría de Innovación e Industria, a través da Dirección Xeral de Promoción Industrial e da Sociedade da Información, destinará á difusión das tecnoloxías e os estándares abertos en Galiza, atendendo á súa aposta decidida pola accesibilidade e a interoperabilidade administrativa, así como a súa introdución no resto da sociedade galega.
No marco deste convenio inscríbese todo un programa de actuacións de difusión no ámbito empresarial, como o ciclo de relatorios “O software libre e a crise” cuxo inicio está previsto para o vindeiro 14 de outubro na cidade da Coruña e que continuará o seu periplo por cámaras de comercio e confederacións empresariais das principais cidades galegas.
A Asociación Galega de Empresas de Software Libre (Agasol)
Agasol é unha iniciativa de empresas galegas de software libre que se agrupan nunha asociación para intentar acadar maiores oportunidades de negocio, exercer como interlocutores ante a Administración galega para apoiala e asesorala nos procesos de migración e implantación de SwL, ao tempo que tenta promocionar un modelo de sociedade do coñecemento no que resulta clave a liberdade para mellorar os programas informáticos e facer públicos e accesibles eses progresos. Actualmente agrúpanse baixo este colectivo un total de 27 empresas galegas.
A asociación xorde en setembro do ano 2007, nun momento de efervescencia no que moitas empresas galegas de pequeno e mediano tamaño comezan a traballar con software libre. O seu propósito é contribuír ao seu medre e consolidación nun ámbito no que o Goberno galego asume que como prioritaria a adopción por parte das administracións públicas de sistemas informáticos baseados en estándares abertos.
A directora xeral de Promoción Industrial e da Sociedade da Información da Consellaría de Innovación e Industria, Helena Veiguela, asinou, en calidade de apoderada da Fundación para o Fomento da Calidade Industrial e Desenvolvemento Tecnolóxico de Galicia, un convenio de colaboración coa Asociación de Empresas Galegas de Software Libre (Agasol) para a realización de actuacións que contribúan ao desenvolvemento e á difusión das tecnoloxías de código aberto entre o tecido empresarial galego. A iniciativa, promovida dende o Centro de Referencia e Servizos de Software Libre de Galiza, Mancomún, disporá dunha partida orzamentaria de 20.000 euros achegados a través da Fundación para o Fomento da Calidade Industrial e Desenvolvemento Tecnolóxico de Galicia.
O convenio ten como propósito promover a difusión e a implantación de aplicacións de código aberto entre o tecido empresarial galego co fin de impulsar o desenvolvemento económico sostible de acordo aos obxectivos recollidos no Plano Estratéxico Galego da Sociedade da Información (PEGSI).
Segundo o acordo subscrito, será Agasol a responsable de achegar ás empresas galegas, a través de presentacións e da distribución de material promocional, as especificidades e as vantaxes do software libre. Asinando por parte de Agasol participou no acto o seu presidente, Javier vázquez, quen explicaba os obxectivos do colectivo do seguinte xeito, “queremos dar a coñecer os casos de éxito empresarial con tecnoloxías abertas e transmitir, ás entidades alleas ás mesmas, toda a utilidade práctica que conleva”.
A directora xeral e mailo representante da asociación estiveron acompañados no momento da sinatura polo coordinador do Centro de Referencia e Servizos de Software Libre, Xesús M. Benítez Baleato, e polo xerente da Fundación para o Fomento da Calidade Industrial e o Desenvolvemento Tecnolóxico de Galicia, Xosé Lois Villasante. Con esta imaxe reprodúcese o encontro acontecido o pasado 19 de setembro, data na que se asinou o convenio de colaboración cos Grupos Galegos de Usuarios de Software Libre (GGUL) e en virtude do cal once asociacións se beneficiarán de 5.000 euros respectivamente para a promoción do software libre.
Deste xeito, son xa 75.000 euros a cantidade que a Consellaría de Innovación e Industria, a través da Dirección Xeral de Promoción Industrial e da Sociedade da Información, destinará á difusión das tecnoloxías e os estándares abertos en Galiza, atendendo á súa aposta decidida pola accesibilidade e a interoperabilidade administrativa, así como a súa introdución no resto da sociedade galega.
No marco deste convenio inscríbese todo un programa de actuacións de difusión no ámbito empresarial, como o ciclo de relatorios “O software libre e a crise” cuxo inicio está previsto para o vindeiro 14 de outubro na cidade da Coruña e que continuará o seu periplo por cámaras de comercio e confederacións empresariais das principais cidades galegas.
A Asociación Galega de Empresas de Software Libre (Agasol)
Agasol é unha iniciativa de empresas galegas de software libre que se agrupan nunha asociación para intentar acadar maiores oportunidades de negocio, exercer como interlocutores ante a Administración galega para apoiala e asesorala nos procesos de migración e implantación de SwL, ao tempo que tenta promocionar un modelo de sociedade do coñecemento no que resulta clave a liberdade para mellorar os programas informáticos e facer públicos e accesibles eses progresos. Actualmente agrúpanse baixo este colectivo un total de 27 empresas galegas.
A asociación xorde en setembro do ano 2007, nun momento de efervescencia no que moitas empresas galegas de pequeno e mediano tamaño comezan a traballar con software libre. O seu propósito é contribuír ao seu medre e consolidación nun ámbito no que o Goberno galego asume que como prioritaria a adopción por parte das administracións públicas de sistemas informáticos baseados en estándares abertos.
R.