La Xunta prevé emitir 300.000 recetas electrónicas en Galicia hasta finales de 2008

El presidente de la Xunta, Emilio Pérez Touriño, ha anunciado que, desde este momento y hasta finales de año, se emitirán 300.000 recetas electrónicas en un total de 45 municipios de Galicia. Touriño ha visitado el centro de salud y una farmacia del municipio coruñés de Miño, pionero en la implantación de este sistema, donde estuvo acompañado por la conselleira de Sanidade, María José Rubio Vidal; y la presidenta del Colegio Oficial de Farmacéuticos de A Coruña, Rosa Lendoiro, entre otros.

El líder de la Xunta destacó que lo «pionero» de este sistema con respecto a los que ya se han puesto en marcha en Cataluña y Andalucía es «su carácter integrado», ya que abarca «todos los puntos del proceso de atención al paciente» lo que, a su juicio, posibilita «la reducción de tiempos y la mejora de la eficacia».

Nota de prensa remitida por el Gabinete de Comunicación de la Xunta de Galicia:

O presidente da Xunta, Emilio Pérez Touriño, subliñou que a posta en marcha da receita electrónica supón un gran avance na creación dun sistema integral de asistencia sanitaria, modelo no que traballa o Goberno galego para “impulsar e mellorar a calidade asistencial sistema público de saúde”. O máximo mandatario autonómico, xunto coa conselleira de Sanidade, María José Rubio, presidiu esta mañá en Miño a posta en marcha do Sistema de Dispensación da Receita Electrónica, unha ferramenta que, segundo avanzou, permitirá incrementar nun 30% “o tempo dispoñible para “a atención médica directa dos pacientes”.

Pérez Touriño destacou a importancia de contar cun soporte informático “que integre todos os pasos do sistema”, o que permitirá, dixo, “gañar en calidade, en operatividade, e en eficacia”. Nese sentido, puxo en valor a colaboración co Servizo Galego de Saúde dos colexios de farmacéuticos das catro provincias, así como das empresas de tecnoloxías da información implicadas na e-receita.

O titular da Xunta resaltou que a receita electrónica, que xa se dispensa nas tres oficinas de farmacia de Miño, e a semana que vén empezará a utilizarse en Salceda de Caselas ata chegar a 45 concellos neste ano, reporta múltiples beneficios para todos os implicados. Así, en relación cos pacientes, o presidente da Xunta salientou que “os enfermos crónicos, e polo tanto con pluralidade de medicación, eviten desprazamentos para buscar receitas”, xa que o sistema permite dispensacións por un máximo anual, “que despois o médico regula”. Pérez Touriño indicou que deste xeito “se gaña en tempo, comodidade e seguridade”.

En declaracións ao medios, o xefe do Executivo galego salientou que a receita electrónica “integra todos os puntos do sistema”, tanto a rede de farmacia como os centros de distribución, os centros de saúde e os hospitais. Indicou que a e-receita se integra dentro da historia clínica electrónica, que en Galicia “é a máis completa de todas as Comunidades Autónomas”. Coa incorporación da receita electrónica, a historia clínica disporá, asegurou o presidente da Xunta, “dunha información completa, integral e veraz que dá seguridade e operatividade, ao tempo que reduce os tempos e mellora eficacia”. Nese sentido, apuntou que as oficinas de farmacia poderán contar agora cunha “capacidade de xestión, de manexo de stocks e de reposición da que antes carecían”.

O presidente galego informou de que o Goberno galego prevé que ata finais deste ano se dispensen 300.000 receitas electrónicas ao mes, logo da implantación progresiva do sistema en 45 concellos e 165 oficinas de farmacia. En total, calcúlase que 220.000 galegos poderán beneficiarse xa da receita electrónica antes de rematar o ano.

O sistema de dispensación da receita electrónica prevé vantaxes para todas as partes implicadas: tanto para os pacientes, como para os familiares, os coidadores, os farmacéuticos, os colexios oficiais de farmacéuticos e os médicos.

No caso concreto da poboación, este sistema permite: reducir os trámites aos pacientes crónicos, que poderán acudir directamente á oficina de farmacia para que lle dispense a súa medicación, sen necesidade de volver ao médico para novas receitas, podéndose prescribir medicación ata para un ano de duración; facilita a xestión de receitas en pacientes polimedicamentados, evitando a perda de receitas; mellora a calidade da atención sanitaria, con máis garantías no seguimento do paciente; e reduce os desprazamentos e o número de visitas para renovar receitas.

Con este sistema, ademais, o médico dispón dun 30% máis de tempo para dedicar ao diagnóstico e ao tratamento dos pacientes, coa conseguinte desconxestión dos centros e mellora da calidade asistencial. Así mesmo, a nova medida permite coñecer de inmediato o historial fármaco-terapéutico do paciente e a resposta aos tratamentos, facilita a toma de decisións e incrementa a seguridade no uso dos medicamentos, ao explicitarse os diferentes tratamentos que está seguindo o paciente; as posibles interaccións entre medicamentos; cales son as doses recomendadas en relación ao peso e á idade; os riscos ou precaucións para embarazadas, nais en período de xactancia, deportistas...; se existe un historial de intolerancia ou de alerxia aos medicamentos; se existe algunha situación de alerta farmacolóxica; ou se a medicación está sendo recollida na farmacia con regularidade. Así mesmo, o sistema de receita electrónica achega novas canles de comunicación entre os profesionais, médicos e farmacéuticos, que permitirá solucionar, de xeito inmediato, problemas puntuais que se puidesen presentar. De igual xeito, o rexistro de datos permite realizar a facturación das receitas de xeito electrónico, simplificando o procedemento actual ao reducir a burocracia.

Por último, a receita electrónica tamén supón vantaxes para o Servizo Galego de Saúde e para os Colexios Oficiais de Farmacéuticos, dado que potencia o uso racional dos medicamentos; anticipa a información da prestación farmacéutica sen necesidade de esperar á facturación; simplifica o proceso de facturación; reduce a burocracia e mellora a transparencia; integra o acto farmacéutico na rede sanitaria; reduce anulacións e incertezas ante substitucións entre medicamentos e incrementa a aproximación ao paciente.

Plan de Tecnoloxías da Información e Comunicación da Sanidade
A prescrición e dispensación electrónica de medicamentos recóllese no Plan de Tecnoloxías da Información e Comunicación da Sanidade Galega 2006-2009, que é a ferramenta de innovación para optimizar a xestión dos centros e prestar á cidadanía uns servizos sanitarios de calidade.

O plan conta cun investimento de 150 millóns de euros e inclúe, ademais do sistema de prescrición e dispensación electrónica, o Rexistro Galego de Tumores (REGAT); a Historia Clínica Electrónica Única (IANUS), implantada en todos os hospitais e en 365 centros de saúde, con máis de 3.500 profesionais acreditados, que é un elemento de conexión entre Atención Primaria e Especializada, que permite consultar e rexistrar a información, independentemente do centro sanitario onde se xere; e a imaxe médica dixital, que xa está dispoñible en 10 hospitais, o que supón o 70 por cento da imaxe xerada, con 4 millóns de estudos dixitalizados.