Skip to main content

Novas

  • O grupo Mevadeus de Santiago gaña o primeiro premio Xuventude Crea 2021 na categoría de teatro
    O grupo Mevadeus, de Santiago de Compostela, foi o gañador do primeiro premio Xuventude Crea 2021 na categoría de Teatro, unha das catorce especialidades do certame. A fase final celebrouse esta pasada fin de semana no Salón Teatro da capital galega e a ela chegaron seis grupos finalistas dos once que se presentaron este ano. A obra que recibiu o primeiro galardón tiña por título Agro 5G. O segundo premio foi para o grupo As catro, de Vigo, pola súa interpretación da obra Que rima con Chomsky?. En terceiro lugar situouse o grupo Xebra, tamén de Vigo, por Irremediablemente soa.
  • Galicia viviu un mes de xuño moi húmido, con precipitacións que duplicaron os valores habituais
    A Comunidade galega viviu un mes de xuño lixeiramente frío e moi húmido debido sobre todo a unha segunda quincena marcada polos episodios de carácter tormentoso e as chuvias persistentes. Así se desprende do avance do informe climatolóxico de MeteoGalicia, que conclúe que durante este período as precipitacións rexistradas duplicaron os valores habituais e previsibles para esta época do ano. A anomalía pluviométrica, de feito, foi a principal característica de xuño, que climatoloxicamente non adoita ser moi chuvioso e, sen embargo, este ano pechouse no conxunto da Comunidade cun 102% máis de precipitacións do esperado.
  • O Centro Galego de Artes da Imaxe abre nova temporada cunha semana dedicada ao cinema de Carlos Saura
    O Centro Galego de Artes da Imaxe (CGAI- Filmoteca de Galicia) inicia mañá a súa temporada de actividade 2019-2020 cun ciclo de sete películas dirixidas por Carlos Saura, organizado en colaboración co Amigos da Ópera da Coruña e en coincidencia coa presenza na cidade do cineasta pola súa participación na posta en escena do Don Giovanni de Mozart no Teatro Colón. Con este motivo, a sala da cinemateca galega ábrelle de novo as portas ao público, cos seus horarios e tarifas habituais, contribuíndo á difusión da obra do recoñecido e polifacético autor oscense, considerado por moitos discípulo de Luis Buñuel e unha das figuras máis relevantes do audiovisual español. Para iso está preparada unha variada escolma dos seus filmes que abrangue títulos rodados entre 1964 e 1999.
  • Marcos Calveiro gaña o XXIV Premio San Clemente Rosalía-Abanca
    A XXIV edición do Premio San Clemente Rosalía-Abanca, convocado pola Asociación Cultural Instituto Rosalía de Castro e Abanca co apoio da Secretaría Xeral de Política Lingüística, xa ten gañadores. Na modalidade de novela en galego, fíxose co galardón Marcos Calveiro coa obra O xardineiro dos ingleses, coa que xa obtivera tamén o Premio García Barros do Concello da Estrada. Nas variantes de novela en castelán e en lingua estranxeira, os vencedores foron Pedro Mairal, con La uruguaya, e Han Kang, con A vexetariana, respectivamente.
  • O programa de mobilidade Galeuropa preséntase como ferramenta para mellorar as competencias da xuventude
    O programa Galeuropa é unha iniciativa que “contribúe á mellora das competencias e habilidades dos mozos e mozas e que incrementa as súas posibilidades de inserción laboral, ao tempo que dota de recursos humanos de calidade ao tecido empresarial galego”. O conselleiro de Política Social, José Manuel Rey Varela, participou no acto de despedida dos mozos e mozas que participan no programa de mobilidade transnacional Galeuropa. Unha xornada na que o titular autonómico das políticas sociais do Goberno galego estivo acompañado pola directora xeral de Xuventude, Cecilia Vázquez.
  • A exposición 'En construción' subliña o encontro entre arte e arquitectura no CGAC
    O Centro Galego de Arte Contemporánea inaugura a exposición 'En construción', que subliña o encontro entre arte e arquitectura no CGAC. A mostra, que estará aberta ata o 28 de outubro, 'afonda na idea de construción como clave para comprender a relación do ser humano co espazo, a paisaxe e a casa', segundo sinalou o secretario xeral de Cultura, Anxo Lorenzo. Lembrou, ademais, que o museo está a piques de celebrar o seu 25 aniversario e sinalou que é 'un espazo de diálogo e convivencia para artistas moi dispares'.
  • O rural galego contará con 15 novas casas niño
    O presidente da Xunta, Alberto Núñez Feijóo, destacou durante a rolda de prensa do Consello a aprobación dunha nova convocatoria de axudas que permitirá a creación de 15 novas casas niño no rural. Feijóo precisou que a día de hoxe o rural galego conta con 46 casas niño -3 na provincia da Coruña, 13 en Lugo, 27 en Ourense e 3 en Pontevedra- que, cun investimento de preto de 5 millóns de euros, ofrecen 230 prazas de atención á infancia de 0 a 3 anos en concellos de menos de 5.000 habitantes de Galicia. O presidente do Goberno galego aseverou que o obxectivo desta convocatoria será chegar a 61 casas niño funcionando en Galicia e dar atención a 305 rapaces de 0 a 3 anos.
  • A cobertura de internet ultrarrápida estará presente no 96% dos concellos galegos no 2020
    As actuacións en macha do Plan de Banda Larga da Xunta e do Estado garanten que máis de 330.000 galegos de 258 concellos, que carecen de acceso a redes ultrarrápidas, teñan cobertura de 100Mbps de velocidade no 2020. En total os plans autonómicos e estatais supoñen un investimento público de 35,2 millóns de euros para incentivar a extensión de fibra óptica en núcleos dun total de 258 concellos galegos que non dispoñen desta tecnoloxía nin previsión de contar con ela. Ambas medias garanten que en 2020 o 96% dos concellos galegos teñan núcleos con acceso a redes de máis de 30 Mbps, fronte ao 71% de hoxe en día.
  • Expertos en sectores específicos participan nos grupos de traballo da Estratexia da Cultura Galega 2021 (ECG21)
    Iniciáronse onte as reunións dos grupos de traballo para a elaboración da Estratexia da Cultura Galega 2021 (ECG21), coa xuntanza na Cidade da Cultura de Galicia, centrada na música, e concretamente na súa vertente de difusión cultural. Nela participarán o secretario xeral de Cultura, Anxo Lorenzo, o director xeral da Axencia Galega das Industrias Culturais (Agadic), Jacobo Sutil, e unha vintena de axentes e representantes de entidades deste ámbito, entre os que estaban a Real Filharmonía de Galicia e a Orquestra Sinfónica de Galicia, a Asociación de Gaiteiros Galegos ou os Amigos da Ópera de Santiago e de Vigo.
  • La iniciativa "Camisetas Solidarias Vuelta 2016" recaudará fondos para la asociación Stop Accidentes
    La directora de Turismo de Galicia, Nava Castro, y el Secretario General de Deporte, José Ramón Lete, participaron en la presentación de la iniciativa ‘Camisetas Solidarias Vuelta 2016' promovida por Unipublic, empresa organizadora del campeonato ciclista, y la Asociación Stop Accidentes. El acto que tuvo lugar en el Centro Cultural de A Guarda contó con la participación del director general de Unipublic, Javier Guillén, y la delegada y portavoz de Stop Accidentes en Galicia, Jeanne Picard.