Skip to main content

Novas

  • Un total de 110 centros escolares incorporarán o libro dixital nas súas aulas o próximo curso 2018/19, polo que o proxecto de educación dixital E-Dixgal acada os 264 centros beneficiados (un 70% máis que o curso pasado) e chegará a 18.000 alumnos (40%). Todos eles -estudantes de 5º e 6º curso de Primaria e 1º e 2º de ESO- recibirán unha ensinanza completamente dixital. Do total dos 264 centros E-Dixgal, 91 son da provincia da Coruña (37 novos para o vindeiro curso), 47 de Lugo (22 novos), 19 de Ourense (11) e 107 de Pontevedra (40). Por ensinanzas, 162 incorporan o libro dixital en Primaria, 73 en Secundaria e outros 29 fano en Primaria e Secundaria.
  • O conselleiro de Economía, Emprego e Industria, Francisco Conde, sinalou hoxe que a Xunta vai impulsar a posta en marcha de Hubs de Innovación Dixital como punto de encontro entre a empresa, a investigación e o financiamento. Así, avanzou, nunha xornada celebrada en Santiago de Compostela, que despois do verán se realizará a primeira convocatoria, baixo concorrencia competitiva, para identificar os Hubs que todos os axentes do sistema innovador queren impulsar en Galicia. A través da fórmula dos Hubs de Innovación Dixital, a Administración autonómica busca cohesionar a todos os axentes en torno a sectores estratéxicos
  • O conselleiro de Sanidade, Jesús Vázquez Almuiña, destacou esta semana a importancia do Proceso Asistencial Integrado da esclerose lateral amiotrófica (ELA) que mellora a atención sanitaria e social dos pacientes que sofren esta enfermidade neurodexenerativa, adecuando ambos sistemas ás súas necesidades. O documento homoxeneíza a atención, garantindo a equidade e a continuidade asistencial dos pacientes e converte a Galicia nunha das primeiras comunidades en dispoñer dun procedemento de actuación integral para doentes.
  • Faleceu esta mañá en Santiago de Compostela aos 100 anos de idade Xerardo Fernández Albor. Foi o primeiro presidente electo da Xunta de Galicia e, segundo a declaración institucional que o goberno galego acaba de publicar, 'déixanos o seu compromiso coa lingua e a cultura propias da nosa terra; déixanos a súa visión dunha Europa unida e dunha España unida na que Galicia ten voz propia; déixanos unha concepción da política baseada na nobreza, na xenerosidade e no servizo público e déixanos o seu traballo a prol dunha Galicia autonómica, con capacidade para resolver os nosos propios problemas desde a lealdade cara ao resto de España.' A Xunta decretou tres días de loito oficial.
  • O conselleiro de Economía, Emprego e Industria, Francisco Conde, destacou hoxe, durante a sinatura do protocolo de colaboración da Xunta e as empresas comercializadoras de enerxía eléctrica de referencia –Iberdrola, EDP, Endesa Energía XXI, CHC, Viesgo e Gas&Power-, que este acordo protexerá aos consumidores máis vulnerables garantindo o seu acceso continuado aos servizo. Este protocolo ten como obxectivo establecer as actuacións que desenvolverán para evitar os cortes de subministración.
  • O conselleiro de Sanidade, Jesús Vázquez Almuiña, compareceu hoxe no Parlamento de Galicia para informar dos datos de actividade do Plan Galego de Atención ao Ictus, presentado ahora hai dous anos, e do que xa se beneficiaron máis de 5.000 pacientes. Dito plan, permitiu crear unha rede de atención a esta patoloxía en toda Galicia, xestionada como unha área única, para ofrecer a mellor atención á cidadanía, independentemente do lugar no que se produza, e acurtando sensiblemente os tempos de asistencia, á vez que se utilizan os recursos dunha forma máis eficiente.
  • Galicia asumirá a representación das comunidades autónomas españolas diante do Consello de Ministros da Unión Europea en materia de agricultura no segundo semestre deste ano. Así se acordou na Conferencia Sectorial de Agricultura celebrada hoxe en Madrid e á que asistiu a conselleira do Medio Rural, Ángeles Vázquez. Deste modo, aténdese o ofrecemento galego para ter esta responsabilidade, acompañando ao Ministerio de Agricultura, Pesca e Alimentación nos foros comunitarios.
  • A Comisión de Cidadanía, Gobernanza, Asuntos Institucionais e Asuntos Exteriores (CIVEX) do Comité Europeo das Rexións (CdR) debateu e aprobou hoxe, na súa 19ª reunión, o ditame "Reflexionar sobre Europa: a voz dos entes locais e rexionais para reconstruír a confianza na Unión Europea" elaborado polo presidente do CdR, Karl- Heinz Lambertz, e o vicepresidente primeiro, Markku Markkula. Galicia, representada polo director xeral de Relacións Exteriores e coa UE, Jesús Gamallo, logrou incluír o cambio demográfico como unha das principais preocupacións dos entes locais e rexionais recollidas no ditame, xunto ao cambio climático ou a cohesión.
  • A directora de Turismo de Galicia, Nava Castro, acompañada do delegado territorial de Xunta na Coruña, Ovidio Rodeiro, presentou hoxe xunto ao bispo da Diocese de Lugo, Alfonso Carrasco, o programa de apertura de igrexas no Camiño de Santiago. Grazas a esta iniciativa de colaboración entre o Goberno galego e as entidades eclesiásticas, numerosos templos de diversas rutas xacobeas abrirán este verán. Ao proxecto súmase tamén o existente coa Arquidiocese de Santiago de Compostela, o que permite que os viaxeiros se acheguen ao rico e variado patrimonio cultural existente no Camiño de Santiago.
  • A enfermidade do Párkinson é un trastorno neurodexenerativo que afecta o movemento das persoas. Prodúcese debido á perda ou dexeneración de neuronas situadas na substancia negra, unha estrutura que se atopa na parte media do cerebro. Esta perda provoca falta de dopamina, un neurotransmisor esencial para a función motora do organismo. Os doentes adoitan sufrir tremores, rixidez muscular e problemas de equilibrio e coordinación. Trátase dunha enfermidade que prexudica o sistema nervioso de forma crónica e progresiva. Unha das características desta patoloxía é a disfunción mitocondrial; é dicir, o mal funcionamento das mitocondrias nas células do paciente.