Skip to main content

Novas

  • Galicia rexistra un aumento do 57% no número de doadores de órganos e do 32% nos transplantes durante os primeiros 5 meses de 2024
    Galicia rexistrou un aumento do 57% no número de doadores de órganos e do 32% nos transplantes durante os primeiros cinco meses de 2024 con respecto ao mesmo período do ano anterior. Con motivo da conmemoración esta semana do Día Nacional do Doador de Órganos e do Día Mundial do Paciente Transplantado, a Xunta celebra as cifras acadadas, tanto de doazón como de transplantes nestes primeiros meses do ano. Tanto a Consellería de Sanidade como a Axencia de Doazón de Órganos e Sangue (ADOS) remarcan a excelente evolución experimentada en Galicia polos programas de captación de doadores e de actividade de transplante.
  • Galicia será a voz das comunidades nos Consellos de Ministros da UE que debaterán este ano sobre os grandes retos ambientais, enerxéticos e climáticos
    Galicia será a voz das comunidades autónomas españolas durante as reunións do Consello de Ministros de Medio Ambiente da UE programadas para o próximo semestre e que se celebrarán en Luxemburgo no mes de outubro e en Bruxelas o próximo decembro. Así o anunciou hoxe a conselleira de Medio Ambiente e Cambio Climático, Ángeles Vázquez, no marco do acto de adhesión de Galicia á Climate Alliance, unha organización a nivel mundial que promove medidas locais fronte ao cambio climático e cuxo director, Thomas Brose, visitou a comunidade co gallo da semana do medio ambiente.
  • A nova edición da campaña Días Azuis da Federación Galega de Comercio sorteará 20.000 euros en premios para estimular a demanda no sector
    A campaña é froito da colaboración entre a Xunta de Galicia e a Federación Galega de Comercio e conta co apoio das Federacións Provinciais de Comercio, as asociacións de comerciantes, os centros comerciais abertos de Galicia e de Abanca. Poderán participar nesta edición todas as persoas que merquen nos establecementos de proximidade de Galicia nas datas da campaña e coa súa participación entrarán nun sorteo de 44 tarxetas por valor de 250 euros e 60 de 150 euros para mercar nos comercios minoristas galegos atendendo ao que establecen as bases da campaña. Para participar deben rexistrar directamente a súa compra en www.diasazuis.com a través de calquera dispositivo electrónico (móbil, tablet ou ordenador).
  • A Mostra Internacional de Teatro de Ribadavia presenta a súa edición 'máis plural, inclusiva e festiva'
    Durante os seus nove días de celebración, a Mostra Internacional de Teatro de Ribadavia recibirá outras recoñecidas figuras da creación e dirección escénica, como Guillermo Calderón, Alice Ripoll, Alberto Conejero ou Esther Carrodeguas como parte dunha carteleira na que tamén figuran grande nomes do clown, como o arxentino Gabriel Chamé e a inglesa Peta Lily, así como as estreas en Galicia dos novos traballos de Alberto Velasco ou Los Galindos. Documentais, coloquios, cursos e presentacións complementan a intensa programación de espectáculos, para a que xa están á venda os bonos en ataquilla.com. Poderán adquirirse por esta vía ata o 24 de xuño, data a partir da que as entradas restantes estarán dispoñibles tanto na oficina da mostra como na súa web.
  • A primavera climatolóxica de 2024 en Galicia foi a terceira máis húmida da serie histórica
    A primavera climatolóxica de 2024 (marzo, abril e maio) en Galicia foi a terceira máis húmida da serie histórica -que se remonta a 1961- ao rexistrarse unha precipitación media de 511 l/m2. Ademais, no que atinxe ás temperaturas, foi un período cálido cun valor medio de 12,9 graos. Deste xeito, segundo o avance do informe climatolóxico elaborado por MeteoGalicia, a precipitación media rexistrada entre as 16 estacións máis representativas foi un 67 % superior ao que vén sendo habitual neste período, debido especialmente ás abondosas choivas de marzo e maio, que fan que estes dous meses se consideren moi húmidos.
  • Chega a terceira edición de Somos Cibernéticas, un encontro para promover o talento feminino no eido da ciberseguidade
    A xornada Somos Cibernéticas celebra o vindeiro día 11 a súa terceira edición co obxectivo de fomentar o talento feminino no eido da ciberseguridade. A Axencia para a Modernización Tecnolóxica organiza este encontro, no que participarán arredor de medio cento de rapazas de 4º da ESO que terán que afrontar catro desafíos en materia de ciberseguridade, propostos por catro especialistas neste ámbito e vinculados a mulleres relacionadas co mesmo. A xornada comezará con reto Alerta WiFi: redes ao descuberto, no que as participantes terán que crear unha rede WiFi maliciosa para comprobar como os ciberdelicuentes conseguen as credenciais do usuarios.
  • Galicia, na procura de oportunidades no eido da I+D+i a nivel europeo
    A directora da Axencia Galega de Innovación (GAIN), Carmen Cotelo, mantivo en Bruxelas varias reunións de traballo con representantes de distintas institucións europeas para coñecer as oportunidades que ofrecen as novas iniciativas e fondos europeos ao ecosistema galego de I+D+i e posicionar a Galicia como un referente en distintos ámbitos como a biotecnoloxía, deep tech ou os programas de captación e retención de talento como Oportunius.
  • O Sergas prepara o seu modelo de planificación para garantir a asistencia sanitaria no verán
    O Sergas está a planificar xa medidas para o reforzo de persoal sanitario no verán en función das necesidades das distintas localidades. Por unha banda, ofrecerá aos MIR de último ano a posibilidade de apoiar, tanto as urxencias como a atención primaria, de forma voluntaria, con incentivos económicos e baixo supervisión. Tamén se contará cun grupo de médicos que se poidan desprazas ás zonas con posibles ausencias ou tensións puntuais, igualmente de forma voluntaria e incentivada economicamente. Ademais, estase a analizar a posibilidade de que médicos que teñan unha segunda residencia en zona de costa, con maior demanda asistencial no verán, poidan elixir traballar alí temporalmente.
  • 'Corazón da Artesanía' volverá encher de artesanía, gastronomía e música os pendellos de Agolada
    Na edición deste ano está prevista a participación de 53 profesionais da Artesanía de Galicia, 36 como expositores e outros 14 artesáns que participarán como docentes nos cursos de formación especializada e talleres abertos. En canto aos expositores de produtos gourmet, este ano estará presente a oferta de 32 empresas, 19 das cales contan co selo de Artesanía Alimentaria. Así, durante tres días en horario de 11,00 a 14,00 h. e de 16,00 a 21,30h h., o Corazón da Artesanía xuntará tradición e vangarda nun encontro único no que se contará con demostracións de artesanía en vivo, o programa Artesanía no Prato que xunta gastronomía e artesanía, cursos especializados para artesáns e obradoiros abertos para todos os públicos, animado con música en directo e actividades para nenos.
  • Galicia acada a cifra máis baixa de paro desde que hai rexistros no ano 1996 e lidera a caída do desemprego no Estado na evolución anual
    Galicia acadou, con 122.036 persoas en situación de desemprego no mes de maio, a cifra máis baixa de paro de toda a serie histórica desde hai que rexistros (1996), é dicir, é a primeira vez en 28 anos que o paro cae por debaixo das 123.000 persoas na comunidade autónoma. Galicia, ademais, lidera a caída do paro en termos relativos con respecto a hai un ano (terceiro lugar en termos absolutos) e en comparación co mes anterior ocupa a terceira posición na baixada do desemprego, tamén en termos relativos. Caeu o paro na evolución anual (-9,22%) e mensual (3,40%) e nas dúas comparativas descendeu nas sete grandes cidades, nas catro provincias galegas e en todos os sectores de actividade, liderando a caída o primario con respecto a hai un ano e a abril de 2024.