Skip to main content

Novas

  • A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 11.987 deles 2.474 son da área da Coruña, 1.499 da de Lugo, 1.638 da de Ourense, 1.283 da de Pontevedra, 2.217 da área de Vigo, 1.966 da de Santiago e 896 da de Ferrol. Do total de pacientes positivos, 27 están en UCI, 630 en unidades de hospitalización e 11.330 no domicilio. Polo de agora, en Galicia hai un total de 593.420 persoas curadas, rexistrándose 3.464 falecementos. O número de PCR realizadas é de 3.888.021. O número de doses de vacina contra a covid-19 administradas é de 6.654.873.
  • A Consellería de Sanidade vén de activar un protocolo para que todos os profesionais sanitarios de Galicia teñan claros os criterios para identificar posibles casos de varíola do mono. De feito, esta mesma mañá detectouse un caso sospeitoso, que xa se remitiu ao Centro de coordinación de alertas e emerxencias sanitarias do Goberno central. Trátase dunha persoa, que non está hospitalizada, e que presenta clínica compatible coa definición de caso distribuída pola Dirección Xeral de Saúde Pública da Consellería de Sanidade, á espera de recibir o protocolo definitivo por parte do Ministerio.
  • O Centro Dramático Galego (CDG) pon en marcha tres novas producións para a temporada 2022-2023. Os títulos provisionais das estreas son Recortes, caneos e outras formas de driblar, con Tito Asorey como director; Shakespeare en Roma, con catro equipos de dirección, e Un hotel de primeira sobre o río, que leva a escena o texto de Xohana Torres codirixido por Gonçalo Guerreiro e María Torres. A previsión é realizar 110 funcións en total, cun modelo de distribución diferente para cada montaxe, cos obxectivos de chegar á maior cantidade de público posible e de crear novas audiencias.
  • A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 11.627, deles 2.449 son da área da Coruña, 1.447 da de Lugo, 1.611 da de Ourense, 1.254 da de Pontevedra, 2.139 da área de Vigo, 1.832 da de Santiago e 881 da de Ferrol. Do total de pacientes positivos, 27 están en UCI, 642 en unidades de hospitalización e 10.958 no domicilio.
  • O Consello da Xunta aprobou hoxe o VIII Plan estratéxico de igualdade de oportunidades entre mulleres e homes 2022-2027 cun orzamento de 935,5 millóns de euros, o maior da historia dun documento de planificación destas características, co reto de avanzar na loita contra as discriminacións e previr a violencia de xénero para conseguir unha igualdade de xénero real e efectiva en todos os ámbitos. O orzamento aumenta nun 138,8 % con respecto ao sétimo plan, así como os ámbitos de actuación, que serán un total de nove, fronte aos tres do antecesor.
  • A implantación de tres novas vacina gratuítas sitúa a Galicia como a comunidade co calendario de vacinación infantil máis completo. A vacina da meninxite B administrarase a todos os nenos e nenas aos dous meses de idade, a finais de ano; e a vacina do virus do papiloma humano estenderase no vindeiro curso a todos os varóns de 12 anos, co fin de acelerar os beneficios globais na loita contra a transmisión deste virus e na mesma dirección que o plan da OMS para eliminar os cancros producidos polo VPH.
  • A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 11.458, deles 2.413 son da área da Coruña, 1.394 da de Lugo, 1.559 da de Ourense, 1.278 da de Pontevedra, 2.089 da área de Vigo, 1.787 da de Santiago e 923 da de Ferrol. Do total de pacientes positivos, 22 están en UCI, 694 en unidades de hospitalización e 10.742 no domicilio. Polo de agora, en Galicia hai un total de 591.848 persoas curadas, rexistrándose 3.449 falecementos. O número de PCR realizadas é de 3.884.053. O número de doses de vacina contra a covid-19 administradas é de 6.653.576.
  • O espectáculo sobre María Casares Continente María, coproducido polo Centro Dramático Galego, Ainé Producións, A Quinta do Cuadrante e o Concello da Coruña, chega ao Salón Teatro de Santiago de Compostela, onde se ofrecerán oito funcións ao longo de dúas semanas. O espectáculo é un canto ao teatro e á vida a través do diálogo coa extraordinaria figura da artista.
  • A Axenda Galega de Capacidades para o Emprego constitúe un gran pacto social que permitirá adaptar a capacitación profesional da forza laboral galega ás necesidades do mercado de traballo. Este instrumento, da man do Estudo de Tecnoloxías Emerxentes que vén de rematar a Consellería de Emprego e Igualdade, está a permitir detectar as carencias formativas de traballadores e traballadoras da comunidade, para avanzar no deseño de actuacións con maior encaixe no actual contexto.
  • A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 15.023, deles 3.072 son da área da Coruña, 2.070 da de Lugo, 2.014 da de Ourense, 1.588 da de Pontevedra, 2.714 da área de Vigo, 2.356 da de Santiago e 1.192 da de Ferrol. Do total de pacientes positivos, 27 están en UCI, 708 en unidades de hospitalización e 14.288 no domicilio. Polo de agora, en Galicia hai un total de 583.117 persoas curadas, rexistrándose 3.407 falecementos. O número de PCR realizadas é de 3.876.997.